ಡೀಸೆಲ್ ಪವರಿಗೆ ನೋ ಎಂದ ಲಕ್ಷುರಿ ಕಾರು ಕಂಪನಿ

Gallery | Images

ಇತ್ತೀಚೆಗೆ ಡೀಸೆಲ್ ಎಂಜಿನ್ ಗಳು ಹಲವು ನೂತನ ತಂತ್ರಜ್ಞಾನಗಳೊಂದಿಗೆ ಬರುತ್ತಿವೆ. ಜೊತೆಜೊತೆಗೆ ಟಾರ್ಕ್ ಪವರ್ ಮತ್ತು ಇಂಧನ ದಕ್ಷತೆಯೂ ಹೆಚ್ಚುತ್ತಿದೆ. ಜೊತೆಗೆ ಪರಿಸರಕ್ಕೆ ಬಿಡುಗಡೆ ಮಾಡುವ ಇಂಗಾಲ ಇತ್ಯಾದಿ ಅಂಶಗಳು ಕಡಿಮೆಯಾಗಿವೆ.

ಟರ್ಬೊ ಚಾರ್ಜಿಂಗ್ ಇರಬಹುದು, ಪಿಜೊ ಎಲೆಕ್ಟ್ರಿಕ್ ಇಂಜೆಕ್ಷನ್ ಸಿಸ್ಟಮ್ ಇರಬಹುದು. ಇತ್ತಿಚೆಗೆ ಡೀಸೆಲ್ ಎಂಜಿನ್ ಗಳು ಸಾಕಷ್ಟು ಅಭಿವೃದ್ಧಿಯಾಗಿವೆ. ಆಕ್ಸಿಲರೇಷನ್ ಪವರ್ ಕೂಡ ಹೆಚ್ಚಾಗಿದೆ. ಇಷ್ಟೆಲ್ಲ ಅಭಿವೃದ್ಧಿಯಾದರೂ ಬೆಂಝ್ ಎಎಂಜಿ ಕಂಪನಿ ಮಾತ್ರ ಡೀಸೆಲ್ ಕಾರುಗಳಿಗೆ ನೋ ಎಂದಿದೆ.

ಅತ್ಯಧಿಕ ಕಾರ್ಯಕ್ಷಮತೆಯ ಸ್ಪೋರ್ಟ್ ಕಾರಿಗೆ ಡೀಸೆಲ್ ಎಂಜಿನ್ ಸೂಕ್ತವಲ್ಲವೆಂಬುದು ಈ ಕಂಪನಿಯ ಅಂಬೋಣ. ಈಗಲೂ ಪೆಟ್ರೋಲ್ ಎಂಜಿನಿಗಿಂತ ಗಾತ್ರದಲ್ಲಿ ಡೀಸೆಲ್ ಎಂಜಿನುಗಳು ದೊಡ್ಡದಿವೆ. ಹೀಗೆ ಹಲವು ಕಾರಣಗಳನ್ನು ಮುಂದಿಟ್ಟುಕೊಂಡು ಮರ್ಸಿಡಿಸ್ ಬೆಂಝ್ ಬೆಂಝ್ ಎಎಂಜಿ ಡಿವಿಝನ್ ಡೀಸೆಲ್ ಎಂಜಿನ್ ಬೇಡಪ್ಪ ಬೇಡ ಎಂದಿದೆ. ಇದರ ಪ್ರತಿಸ್ಪರ್ಧಿ ಕಂಪನಿಗಳಾದ ಬಿಎಂಡಬ್ಲ್ಯು, ಆಡಿ ಮಾತ್ರ ಡೀಸೆಲ್ ಕಾರುಗಳಿಗೆ ಹಾಯ್ ಎಂದಿವೆ.