ಮರ್ಸಿಡಿಸ್ ಬೆಂಝ್ ಕಂಪನಿಯ ಬೃಹತ್ ವರ್ಕ್‌ಶಾಪ್

ಇದೀಗ ಮರ್ಸಿಡಿಸ್ ಬೆಂಝ್ ಇಂಡಿಯಾ ಕಂಪನಿಯು ದೇಶದ ಬೃಹತ್ ವರ್ಕ್ ಶಾಪ್ ತೆರೆದಿದೆ. ಈ ವರ್ಕ್ ಶಾಪ್ ಮುಂಬೈನ ಅಂಧೇರಿಯಲ್ಲಿದೆ. ಇಲ್ಲಿ ಸುಮಾರು 155 ಸರ್ವಿಸ್ ವೃತ್ತಿಪರರು ಮತ್ತು 54 ಸರ್ವಿಸ್ ವಿಭಾಗಗಳಿವೆ.

"ಇಲ್ಲಿ ಗ್ರಾಹಕರಿಗೆ ವಿಶ್ವದರ್ಜೆಯ ಸೇವೆಗಳನ್ನು ನೀಡಲಿದ್ದೇವೆ. ನಾವು ದೇಶದಲ್ಲಿ ನಮ್ಮ ಜಾಲವನ್ನು ಇನ್ನಷ್ಟು ವಿಸ್ತರಿಸಲಿದ್ದೇವೆ. ಗ್ರಾಹಕರಿಗೆ ಇನ್ನಷ್ಟು ಹತ್ತಿರವಾಗುವ ನಿಟ್ಟಿನಲ್ಲಿ ಈ ಬೃಹತ್ ವರ್ಕ್ ಶಾಪ್ ಪ್ರಮುಖ ಹೆಜ್ಜೆಯಾಗಿದೆ" ಎಂದು ಮರ್ಸಿಡಿಸ್ ಬೆಂಝ್ ಇಂಡಿಯಾ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಮುಖ್ಯಕಾರ್ಯನಿರ್ವಹಣಾಧಿಕಾರಿ ಪೀಟರ್ ಹೊನೆಗ್ ಹೇಳಿದ್ದಾರೆ.

ಈ ವರ್ಕ್ ಶಾಪ್ ಗೆ ಕಂಪನಿಯು ಸುಮಾರು 52 ಕೋಟಿ ರುಪಾಯಿ ಹೂಡಿಕೆ ಮಾಡಿದೆ. ಈ ಸರ್ವಿಸ್ ಕೇಂದ್ರವನ್ನು ಮರ್ಸಿಡಿಸ್ ಬೆಂಝ್ ಡೀಲರ್ ಆಟೋ ಹಂಗರ್ ನೋಡಿಕೊಳ್ಳಲಿದೆ. ಇಲ್ಲಿ ಕಾರು ರಿಪೇರಿ, ಬಾಡಿ ರಿಪೇರಿ, ಪೇಂಟ್ ಕೆಲಸ, ವೀಲ್ ಜೋಡಣೆ, ವೀಲ್ ಸಮತೋಲನ, ಟೈರ್ ಬದಲಾವಣೆ, ಕಾರು ವಾಷ್, ಪಾಲಿಷ್ ಸೇರಿದಂತೆ ಹಲವು ಬಗೆಯ ಸೇವೆಗಳನ್ನು ಕಂಪನಿ ನಡೆಸಲಿದೆ.