ನನ್ನ ನೆಮ್ಮದಿ ಕೆಡಿಸಿದ ಹ್ಯುಂಡೈ ಸರ್ವಿಸ್ ಸೆಂಟರ್

Posted By:
<ul id="pagination-digg"><li class="next"><a href="/four-wheelers/2012/my-horrible-experience-with-h-aid0134.html">Next »</a></li></ul>
My Horrible Experience With Hyundai
ಕಾರು ಖರೀದಿ ಸುಲಭ. ಆದರೆ ಅದರ ನಿರ್ವಹಣೆ ಕಡುಕಷ್ಟ. ಗ್ರಾಹಕನಿಗೆ ಕಾರು ಯಾವತ್ತೂ ಕಿರಿಕ್ ಉಂಟುಮಾಡದಿರಲಿ ಎಂದು ಕಾರು ಕಂಪನಿಗಳು ಹಲವು ಅಧಿಕೃತ ಶೋರೂಂಗಳನ್ನು, ಸರ್ವಿಸ್ ಸೆಂಟರುಗಳನ್ನು ತೆರೆಯುತ್ತವೆ. ಆದರೆ ಎಲ್ಲಾ ಸರ್ವಿಸ್ ಸೆಂಟರುಗಳು ಗ್ರಾಹಕಸ್ನೇಹಿಯಾಗಿ ವರ್ತಿಸುತ್ತವೆ ಎನ್ನಲಾಗದು. ಡ್ರೈವ್ ಸ್ಪಾರ್ಕ್ ಓದುಗರಾದ "ರಾಜೇಶ್" ಬೆಂಗಳೂರಿನ ಮೈಸೂರು ರಸ್ತೆಯಲ್ಲಿರುವ ಹ್ಯುಂಡೈ ಶೋರೂಂ ಜೊತೆಗಿನ ಕರಾಳ ಅನುಭವ ಹಂಚಿಕೊಂಡಿದ್ದಾರೆ.

"ಈ ವರ್ಷದ ಫೆಬ್ರವರಿ ಮೊದಲ ವಾರದ ಒಂದು ದಿನ ಮೈಸೂರು ರಸ್ತೆಯಲ್ಲಿರುವ........... ಶೋರೂಂನಿಂದ ಹ್ಯುಂಡೈ ಐ10 ಕಪ್ಪಾ ಕಾರನ್ನು ಖರೀದಿಸಿದೆ. ಮೊದಲ ನೋಟಕ್ಕೆ ಈ ಕಾರು ನನಗೆ ತುಂಬಾ ಇಷ್ಟವಾಯ್ತು. ಲುಕ್, ಪಿಕಪ್, ಇಂಟಿರಿಯರ್/ಎಕ್ಸ್ ಟೀರಿಯರ್ ಎಲ್ಲವೂ ಅತ್ಯುತ್ತಮ. ಅಸಲಿಗೆ ಕಾರಿನ ಕುರಿತು ಯಾವುದೇ ದೂರುಗಳಿಲ್ಲ.

ನನ್ನ ದುರ್ದೈವವೆಂದು ಹೇಳಬೇಕು. ಖರೀದಿಸಿ ಒಂದು ವಾರದಲ್ಲೇ ಸಿಗ್ನಲ್ ಬಳಿ ಕಾರಿನ ಹಿಂಭಾಗಕ್ಕೆ ಟ್ರಕ್ ಗುದ್ದಿಬಿಟ್ಟಿತು. ಕಾರಿನ ಬೂಟ್ ಮತ್ತು ಬಂಪರ್ ಜಜ್ಜಿ ಹೋಗಿತ್ತು. ತಕ್ಷಣ ಸರ್ವಿಸ್ ಸ್ಟೇಷನಿಗೆ ಕರೆಮಾಡಿದೆ. ಕಾರು ತರಲು ಸೂಚಿಸಿದರು. ಹಾಗೆ ಮಾಡಿದೆ. ಮೂರು ದಿನದಲ್ಲಿ ಸರಿಮಾಡಿಕೊಡುವುದಾಗಿ ಮ್ಯಾನೆಜರ್ ಭರವಸೆ ನೀಡಿದ.

ಹೊಸ ಕಾರು ಎಲ್ಲಿದೆ ಎಂದು ಕೇಳುವ ಸಂಬಂಧಿಕರು/ಸ್ನೇಹಿತರಿಗೆ ಮೂರು ದಿನದಲ್ಲಿ ನಿಭಾಯಿಸುವುದು ಕಷ್ಟವಾಗಲಿಲ್ಲ. ಆದರೆ ಮೂರು ದಿನ ಕಳೆದು ಶೋರೂಂ ತಲುಪಿದಾಗ ನನ್ನ ಕಾರು ಹಾಗೇ ಇತ್ತು. ಕ್ಷಮಿಸಿ, ಸಾರ್ ಶೀಘ್ರದಲ್ಲಿ ಸರಿಮಾಡಿಕೊಡುತ್ತೇವೆ ಎಂಬ ಅಭಯ ಮತ್ತೆ ಸಿಕ್ಕಿತು. ಮತ್ತೆ ಹಲವು ಕರೆಮಾಡಿ, ಹಲವು ಬಾರಿ ಸರ್ವಿಸ್ ಸ್ಟೇಷನಿಗೆ ಹೋದೆ. ಆಗಿಲ್ಲ ಸಾರ್, ನಾಳೆ ಬನ್ನಿ,  ಕೊಂಚ ರಿಪೇರಿ ಬಾಕಿ ಇದೆ.. ಹೀಗೆ ದಿನಕ್ಕೊಂದು ಸಬೂಬು ರೆಡಿ ಇರುತ್ತಿದ್ದವು.

ಹದಿನೈದು ದಿನ ಕಳೆದು ನನ್ನ ಕಾರನ್ನು ವಾಪಸ್ ನೀಡಿದ್ರು. ಸಂತೋಷದಿಂದ ಮನೆಗೆ ತೆಗೆದುಕೊಂಡು ಹೋದೆ. ಕಾರಿನ ಮತ್ತೆರಡು ಸಮಸ್ಯೆ ನನ್ನ ಹೆಂಡತಿ ಗಮನಕ್ಕೆ ಬಂತು. ಕಾರಿನ ಬ್ರೇಕ್ ಲೈಟ್ ಮಿಣುಕುತ್ತಿರಲಿಲ್ಲ. ಹಿಂಭಾಗದ ಡೋರನ್ನು ಒಳಭಾಗದಿಂದ ತೆರೆಯಲು ಸಾಧ್ಯವಾಗಲಿಲ್ಲ. ತಥೇರಿಕೆ....ಅಂದುಕೊಂಡು ಮತ್ತೆ ಸರ್ವಿಸ್ ಸ್ಟೇಷನಿಗೆ ಕರೆಮಾಡಿದೆ.

ಆಮೇಲೆ ಏನಾಯ್ತು?

<ul id="pagination-digg"><li class="next"><a href="/four-wheelers/2012/my-horrible-experience-with-h-aid0134.html">Next »</a></li></ul>

English summary
Rajesh who bought a Hyundai i10 sport at a showroom in Bangalore has shared his experience with the service centre. The after sales service offered by the showroom was not up to the mark with incomplete and shoddy repair work after an accident. They did not deliver the car for 15 days.&#13;
Story first published: Monday, March 26, 2012, 12:46 [IST]

Latest Photos

ಕರ್ನಾಟಕ ವಿಧಾನಸಭೆ ಚುನಾವಣೆ 2018

ತಕ್ಷಣದ ಆಟೊ ಸುದ್ದಿಗಳನ್ನು ಡ್ರೈವ್ಸ್ಪಾರ್ಕ್ನಲ್ಲಿ ಪಡೆದುಕೊಳ್ಳಿ- Kannada DriveSpark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more