2013ರ ಷೆವರ್ಲೆ ಬೀಟ್: ವಿನ್ಯಾಸ ಹೀಗಿದೆ ನೋಡಿ

ಚಿತ್ರಲೋಕ

ಅಮೆರಿಕದಲ್ಲಿ ಅನಾವರಣ ಮಾಡಿರುವ ಆವೃತ್ತಿಯು 1 ಲೀಟರ್(68 ಹಾರ್ಸ್ ಪವರ್) ಮತ್ತು 1.2 ಲೀಟರ್(82 ಹಾರ್ಸ್ ಪವರ್) ಎಂಜಿನ್ ಆಯ್ಕೆಯ ಸ್ಪಾರ್ಕ್ ಬಿಡುಗಡೆ ಮಾಡಿದೆ. ಕಂಪನಿಯು ದೇಶದ ರಸ್ತೆಗೆ 1.3 ಲೀಟರಿನ ಜೆಟ್ ಟರ್ಬೊ ಡೀಸೆಲ್ ಮಲ್ಟಿಜೆಟ್ ಎಂಜಿನ್ ಪರಿಚಯಿಸುವ ನಿರೀಕ್ಷೆಯಿದೆ.

ಸದ್ಯ ರಸ್ತೆಯಲ್ಲಿರೋ ಬೀಟ್ ಬಗ್ಗೆ: ಸುಮಾರು 4.47, 663 ರು. ಆರಂಭಿಕ ಎಕ್ಸ್ ಶೋರೂಂ ದರದಲ್ಲಿ ದೊರಕುವ ಷೆವರ್ಲೆ ಬೀಟ್ ಡೀಸೆಲ್ ತನ್ನ ಡೈನಾಮಿಕ್, ಸ್ಟೈಲಿಷ್ ಮತ್ತು ಇಂಧನ ದಕ್ಷತೆ ಇತ್ಯಾದಿಗಳಿಂದ ಗಮನಸೆಳೆಯುತ್ತದೆ.

ಬೀಟ್ ಡೀಸೆಲ್ ಕಾರು ನೂತನ 1.0 ಎಕ್ಸ್ಎಸ್‌ಡಿಇ ಸ್ಮಾರ್ಟ್ ಟೆಕ್ ಕಾಮನ್ ರೇಲ್ ಡೀಸೆಲ್ ಎಂಜಿನ್ ಹೊಂದಿದೆ. ಇದು 58.5 ಹಾರ್ಸ್ ಪವರ್ ಮತ್ತು 150 ಟಾರ್ಕ್ ಪವರ್ ನೀಡುತ್ತದೆ. ಕಂಪನಿಯ ಪ್ರಕಾರ ಇದರ ಮೈಲೇಜ್ 25.44 ಕಿ.ಮೀ. ರಸ್ತೆಗಳಿಗೆ ಅನುಗುಣವಾಗಿ ಮೈಲೇಜ್ ಹೆಚ್ಚುಕಡಿಮೆ ಆದೀತು.

ಸುರಕ್ಷತೆಯ ಪ್ರಯಾಣಕ್ಕೆ ಸೂಕ್ತವಾಗುವಂತೆ ಎರಡು ಏರ್‌ಬ್ಯಾಗ್ ಇದರಲ್ಲಿದೆ. ಅಂದರೆ ಮುಂಭಾಗದಲ್ಲಿ ಚಾಲಕ ಮತ್ತು ಸಹಪ್ರಯಾಣಿಕರ ಮುಂಭಾಗದಲ್ಲಿ ಏರ ಬ್ಯಾಗ್ ಇದೆ. ಸೇಫ್ಟಿಗಾಗಿ ಆಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಮ್ ಇದೆ. ಈ ಕಾರನ್ನು 9 ಬಣ್ಣಗಳಲ್ಲಿ ಆಯ್ಕೆ ಮಾಡಿಕೊಳ್ಳಬಹುದು.