ನಿಸಾನ್ ಇವಾಲಿಯಾ ರಸ್ತೆಗೆ, ದರ 8.49 ಲಕ್ಷ

ನವದೆಹಲಿ, ಸೆ 25: ನಿಸಾನ್ ಮೋಟರ್ಸ್ ಇಂಡಿಯಾ ಕಂಪನಿಯು ದೇಶದ ರಸ್ತೆಗೆ ನೂತನ ಎಂಪಿವಿ ಇವಾಲಿಯಾ ಪರಿಚಯಿಸಿದೆ. ಇದರ ಆರಂಭಿಕ ದರ 8.49 ಲಕ್ಷ ರುಪಾಯಿ. ಇದು ಎಕ್ಸ್ಇ, ಎಕ್ಸ್ಇ+, ಎಕ್ಸ್ಎಲ್ ಮತ್ತು ಎಕ್ಸ್ ವಿ ಎಂಬ ನಾಲ್ಕು ಆವೃತ್ತಿಗಳಲ್ಲಿ ಲಭ್ಯವಿದೆ.

ಇವಾಲಿಯಾ ದರ (ದೆಹಲಿ ಎಕ್ಸ್ ಶೋರೂಂ)
ಇವಾಲಿಯಾ ಎಕ್ಸ್ಇ: 8.49 ಲಕ್ಷ ರುಪಾಯಿ
ಎಕ್ಸ್ಇ+: 8.92 ಲಕ್ಷ ರುಪಾಯಿ.
ಎಕ್ಸ್ಎಲ್: 9.49 ಲಕ್ಷ ರುಪಾಯಿ
ಎಕ್ಸ್ ವಿ: 9.99 ಲಕ್ಷ ರುಪಾಯಿ.

ಇವಾಲಿಯಾ ಚಿತ್ರಗಳನ್ನು ನೋಡಿ

ನೂತನ ನಿಸಾನ್ ಇವಾಲಿಯ ಎಂಪಿವಿಯು ರೆನೊ ಕುಟುಂಬದ ಕೆ9ಕೆ ಡೀಸೆಲ್ ಎಂಜಿನ್ ಹೊಂದಿದೆ. 1.5 ಲೀಟರಿನ ಡಿಸಿಐ ಎಂಜಿನ್ 85 ಹಾರ್ಸ್ ಪವರ್ ಮತ್ತು 200ಎನ್ಎಂ ಟಾರ್ಕ್ ಪವರ್ ನೀಡುತ್ತದೆ. ಇದರ ಮೈಲೇಜ್ ಪ್ರತಿಲೀಟರಿಗೆ 19 ಕಿ.ಮೀ. ಎಂದು ಕಂಪನಿ ಹೇಳಿದೆ. ಪ್ರತಿಸ್ಪರ್ಧಿ ಕಾರುಗಳಿಗೆ ಹೋಲಿಸಿದರೆ ಇದರ ಮೈಲೇಜ್ ಹೆಚ್ಚಿದೆ.

ನೂತನ ಇವಾಲಿಯಾ ದರವೂ ಪ್ರತಿಸ್ಪರ್ಧಿ ಕಾರುಗಳಿಗೆ ಹೋಲಿಸಿದರೆ ದುಬಾರಿಯಾಗಿದೆ. ಮಾರುತಿ ಸುಜುಕಿ ಎರ್ಟಿಗಾ, ಕ್ಷೈಲೊ ಎಂಪಿವಿಗಿಂತ ದುಬಾರಿಯಾಗಿರುವ ಈ ಕಾರು ಗ್ರಾಹಕರನ್ನು ಸೆಳೆಯುವುದೋ ಕಾದು ನೋಡಬೇಕಿದೆ.

ಇದನ್ನೂ ಓದಿ: ಫಸ್ಟ್ ಡ್ರೈವ್: ನಿಸಾನ್ ಇವಾಲಿಯಾ ಎಂಪಿವಿ