ದೇಶಿ ರಸ್ತೆಯಲ್ಲಿ ನಿಸ್ಸಾನ್ ಕಾರಿಗೆ ಹೈಸ್ಪೀಡ್ ವೇಗ

Published: Monday, June 18, 2012, 11:42 [IST]

ಮುಂಬೈ, ಜ 2: ಡಿಸೆಂಬರ್ 2011ರ ವಾಹನ ಮಾರಾಟದಲ್ಲಿ ಬೃಹತ್ ವಾಹನ ತಯಾರಿಕಾ ಕಂಪನಿ ನಿಸ್ಸಾನ್ ಮೋಟರ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ಶೇಕಡ 44ರಷ್ಟು ಏರಿಕೆ ದಾಖಲಿಸಿದೆ. ಕಂಪನಿಯು ಕಳೆದ ತಿಂಗಳು ಸುಮಾರು 1,596 ಕಾರು ಮಾರಾಟ ಮಾಡಿತ್ತು. ಇದಕ್ಕೂ ಹಿಂದಿನ ವರ್ಷದ ಇದೇ ಅವಧಿಯಲ್ಲಿ ಕಂಪನಿಯ ಕಾರು ಮಾರಾಟ 1,104 ಯುನಿಟ್ ಆಗಿತ್ತು.

ಇದರಲ್ಲಿ ಮೇಡ್ ಇನ್ ಇಂಡಿಯಾ ಗ್ಲೋಬಲ್ ಕಾಂಪ್ಯಾಕ್ಟ್ ಕಾರುಗಳ ಮಾರಾಟ 1,036 ಯುನಿಟ್ ಆಗಿತ್ತು. ನಿಸ್ಸಾನ್ ಸನ್ನಿ ಸೆಡಾನ್ ಕಾರಿನ ಮಾರಾಟ 533 ಯುನಿಟ್ ಗೆ ತಲುಪಿತ್ತು. ಇದರಲ್ಲಿ ಸನ್ನಿ ಡೀಸೆಲ್ ಆವೃತ್ತಿ ಮಾರಾಟ 27 ಯುನಿಟ್ ಆಗಿದೆ.

ಸೆಪ್ಟಂಬರ್ ನಲ್ಲಿ ನಿಸ್ಸಾನ್ ಸನ್ನಿ ರಸ್ತೆಗಿಳಿದ ನಂತರ ಒಟ್ಟು 3,663 ಯುನಿಟ್ ಸನ್ನಿ ಮಾರಾಟವಾಗಿದೆ. ಲೈಫ್ ಸ್ಟೈಲ್ ಸ್ಪೋರ್ಟ್ ಯುಟಿಲಿಟಿ ವೆಹಿಕಲ್ X-TRAIL, ದುಬಾರಿ ಸೆಡಾನ್ ಟೀನಾ ಮತ್ತು ಐಕಾನಿಕ್ 360ಝಡ್ ಮಾರಾಟ ಅಷ್ಟೇನೂ ಆಶಾದಾಯಕವಾಗಿರಲಿಲ್ಲ.