ರತನ್‌ ಟಾಟಾ ಹೇಳುವ ಮುನ್ನ ಒಂದು ಸಲಾಂ

ಟಾಟಾ ಸಂಸ್ಥೆಯ ಸರ್ವಾಧಿಕಾರ

ಜೆ.ಆರ್. ಡಿ ಟಾಟಾ ಅವರಿಂದ 1991ನೇ ಇಸವಿಯಲ್ಲಿ ರತನ್ ಟಾಟಾ ಅವರು ಟಾಟಾ ಸಂಸ್ಥೆಯ ಸರ್ವಾಧಿಕಾರಿ ಹುದ್ದೆಯನ್ನು ವಹಿಸಿಕೊಂಡರು. ಆದರೆ ಅವರ ಆರಂಭಿಕ ಹಾದಿ ಸುಲಭವಾಗಿರಲಿಲ್ಲ. ಈ ನಡುವೆ ಕೆಚ್ಚೆದೆಯ ನಿಲುವು ತಾಳಿದ ರತನ್ ಟಾಟಾ ಸಂಸ್ಥೆಯನ್ನು ಎತ್ತರಕ್ಕೆ ಬೆಳೆಸಿದರು.

ಮೊದಲ ಪ್ರಯಾಣಿಕ ಕಾರು

1998ನೇ ಇಸವಿಯಲ್ಲಿ ಸಂಪೂರ್ಣವಾಗಿ ದೇಶಿಯವಾಗಿ ನಿರ್ಮಿಸಲಾದ ಟಾಟಾ ಇಂಡಿಕಾ ಕಾರನ್ನು ದೇಶಕ್ಕೆ ಪರಿಚಯಿಸಲಾಯಿತು. ತಾನೊಬ್ಬ ಕೋಟ್ಯಧಿಪತಿ ಆಗಿರುವ ಹೊರತಾಗಿಯೂ ಇಂಡಿಕಾ ಕಾರಲ್ಲಿ ತಮ್ಮ ಕಚೇರಿಗೆ ತೆರಳಲು ರತನ್ ಟಾಟಾ ಯಾವುದೇ ಸಂಕೋಚ ತೋರುತ್ತಿರಲಿಲ್ಲ. ಜಾಗೀಕರಣದ ಅಂಗವಾಗಿ ತಮ್ಮ ಸಮೂಹವನ್ನು ವಿಶ್ವೆದೆಲ್ಲೆಡೆ ವ್ಯಾಪಿಸಿದ ಟಾಟಾ ವಿದೇಶಿ ಕಂಪನಿಗಳ ಮೇಲೂ ತಮ್ಮ ಪ್ರಾಬಲ್ಯ ಮೆರೆಯಲು ಪ್ರಾರಂಭಿಸಿದರು.

ಡೆವೂ ಹೆವಿ ಟ್ರಕ್ಸ್ ಖರೀದಿ

ಕೊರಿಯಾ ಮೂಲದ ಡೆವೂ ಹವಿ ಟ್ರಕ್ಸ್ ಕಮರ್ಷಿಯಲ್ ವೆಹಿಕಲ್ ಬ್ಯುಸಿನೆಸ್ 2004ರಲ್ಲಿ ಖರೀದಿಸಿದರು. ಇದಕ್ಕೂ ಮುನ್ನ 2000 ಇಸವಿಯಲ್ಲಿ ಯುಕೆ ಬ್ರಾಂಡ್‌ನ ಟೆಟ್ಲಿ ಸಂಸ್ಥೆಯನ್ನು ಟಾಟಾ ಟೀ 450 ದಶಲಕ್ಷ ಡಾಲರ್‌ಗೆ ಖರೀದಿಸಿತ್ತು.

ನ್ಯೂಯಾರ್ಕ್ ಶೇರು ಮಾರುಕಟ್ಟೆಯಲ್ಲಿ ಸ್ಥಾನ

ಟಾಟಾ ಸಮೂಹವನ್ನು ಬಹುರಾಷ್ಟ್ರೀಯ ಕಂಪನಿಯಾಗಿ ಬೆಳೆಸುವ ಮಹಾತ್ವಕಾಂಕ್ಷೆಯ ಫಲವಾಗಿ ಜಾಗತಿಕವಾಗಿಯೂ ಟಾಟಾ ಮೋಟಾರ್ಸ್ ಬಲಿಷ್ಠಗೊಳಿಸುವಲ್ಲಿ ರತನ್ ಟಾಟಾ ಪರಿಶ್ರಮ ವಹಿಸಿದ್ದರು. ಇದರಂತೆ 2004ರಲ್ಲಿ ನ್ಯೂಯಾರ್ಕ್ ಶೇರು ಮಾರುಕಟ್ಟೆ ಪಟ್ಟಿಯಲ್ಲೂ ಕಾಣಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿತ್ತು.

ನ್ಯಾನೋ ಆಗಮನ

2008ನೇ ಇಸವಿಯಲ್ಲಿ ದೇಶಕ್ಕೆ ಅತಿ ಅಗ್ಗದ ಕಾರನ್ನು ರತನ್ ಟಾಟಾ ಪರಿಚಯಿಸಿದರು. ಇದು ಗ್ರಾಹಕರಲ್ಲಿ ಭಾರಿ ಕುತೂಹಲ ಸೃಷ್ಟಿ ಮಾಡಲು ಸಾಧ್ಯವಾಗಿತ್ತು. ಕಾರಿನ ಕಾರ್ಯಕ್ಷಮತೆ ಬಗ್ಗೆ ಸಾಕಷ್ಟು ಟೀಕೆಗಳು ಬಂದಿದ್ದರೂ ಅವೆಲ್ಲವನ್ನು ಮೆಟ್ಟಿ ನಿಲ್ಲುವಲ್ಲಿ ರತನ್ ಟಾಟಾ ಯಶಸ್ವಿಯಾಗಿದ್ದರು.

ಜಾಗ್ವಾರ್ ಲ್ಯಾಂಡ್ ರೋವರ್ ಖರೀದಿ

ತಾನೊಬ್ಬ ಒಳ್ಳೆಯ ಮುಂದಾಳು ಹಾಗೂ ಸಂಘಟಕ ಎಂಬುದನ್ನು ಸಾಬೀತುಪಡಿಸಿದ್ದ ರತನ್ ಟಾಟಾ 2008ರಲ್ಲಿ ಅಮೆರಿಕ ಕಾರು ತಯಾರಕ ಕಂಪನಿಯಾದ ಜಾಗ್ವಾರ್ ಲ್ಯಾಂಡ್ ರೋವರ್ ಖರೀದಿ ಮಾಡುವ ಮೂಲಕ ಸೆನ್ಸಷನಲ್ ಕ್ರಿಯೇಟ್ ಮಾಡಿದ್ದರು. ಆರಂಭದಲ್ಲಿ ಎಲ್ಲರಿಂದ ಟೀಕೆಗಳು ಬಂದಿದ್ದರೂ ಜಾಗ್ವಾರ್ ಮೂಲಕ ಲಾಭ ಪಡೆಯಲು ಯಶಸ್ವಿಯಾಗಿದ್ದರು.

ರತನ್ 'ಟಾಟಾ'

ಜೆಆರ್‌ಡಿ ಟಾಟಾ ಅವರ ಉತ್ತರಾಧಿಕಾರಿಯಾಗಿ 21 ವರ್ಷಗಳ ಹಿಂದೆ ಟಾಟಾ ಸಮೂಹದ ಅಧ್ಯಕ್ಷರಾಗಿ ನೇಮಕಗೊಂಡಿದ್ದ ರತನ್ ಟಾಟಾ ಇದೀಗ ತಮ್ಮ 75ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ನಿವೃತ್ತಿ ಘೋಷಿಸುತ್ತಿದ್ದಾರೆ. ಇದರೊಂದಿಗೆ ಟಾಟಾ ಸಮೂಹದಲ್ಲಿ ರತನ್ ಟಾಟಾ ಅಧಿಪತ್ಯ ಕೊನೆಗೊಳ್ಳಲಿದೆ.

ಟಾಟಾ ಸಮೂಹದ ನೂತನ ಅಧ್ಯಕ್ಷರಾಗಿ ಸೈರಸ್ ಮಿಸ್ತ್ರಿ ಅಧಿಕಾರ ಸ್ವೀಕರಲಿಸಲಿದ್ದಾರೆ. ನೂರಕ್ಕೂ ಹೆಚ್ಚು ಕಂಪನಿಗಳನ್ನು ಒಳಗೊಂಡಿರುವ ಟಾಟಾ ಸಮೂಹವನ್ನು ಬಹುರಾಷ್ಟ್ರೀಯ ಸಂಸ್ಥೆಯನ್ನಾಗಿಸಲು ಟಾಟಾ ಯಶಸ್ವಿಯಾಗಿದ್ದರು.

ಟಾಟಾ ಸಾಮ್ರಾಜ್ಯ

ಭಾರತೀಯ ಕಾರು ನಿರ್ಮಾಣವನ್ನು ಅಂತರಾಷ್ಟ್ರೀಯ ಗಮನ ಸಾಧಿಸಿದ ಟಾಟಾ ಸಾಧನೆಯನ್ನು ದೇಶದ ಆಟೋ ಮೊಬೈಲ್ ಜಗತ್ತು ಯಾವತ್ತೂ ನೆನಪಿಸಿಕೊಳ್ಳಲಿದೆ. ಇವತ್ತು ಟಾಟಾ ಸಮೂಹದ ಆದಾಯದ ಮೂರರಲ್ಲಿ ಎರಡು ಪಾಲು ವಿದೇಶಗಳಿಂದ ಸಿಗುತ್ತದೆ.

ಹಾಗಿದ್ದರೂ ಟಾಟಾ ಸಮೂಹದ ಅಧ್ಯಕ್ಷ ಸ್ಥಾನದಿಂದ ಹೊರಗುಳಿದರೂ ಕಂಪನಿಯ ಆಗು ಹೋಗುಗಳ ಮೇಲೆ ನಿಗಾ ವಹಿಸಲಿದ್ದಾರೆ.