ಸುಜುಕಿಯಿಂದ 1 ಲಕ್ಷ ಸ್ವಿಫ್ಟ್ ಕಾರುಗಳ ಹಿಂಪಡೆತ

ಜಪಾನಿನಲ್ಲಿ ನಿರ್ಮಿಸಿದ ಸ್ವಿಫ್ಟ್ ಕಾರುಗಳನ್ನು ಕಂಪನಿಯು ಹಿಂಪಡೆಯಲಿದೆ. ಇದರಲ್ಲಿ ಅರ್ಧಕ್ಕಿಂತ ಹೆಚ್ಚು ಪ್ರಮಾಣದ ಸ್ವಿಫ್ಟ್ ಕಾರುಗಳು ಜಪಾನಿನಲ್ಲೇ ಮಾರಾಟವಾಗಿದೆ. ಆಸ್ಟ್ರೇಲಿಯಾ ಮತ್ತು ಉಳಿದ ಕೆಲವು ದೇಶಗಳಿಗೂ ಈ ಸ್ವಿಫ್ಟ್ ಕಾರುಗಳನ್ನು ಮಾರಾಟ ಮಾಡಲಾಗಿದೆ. ಒಟ್ಟಾರೆ ನಾಲ್ಕು ಸ್ವಿಫ್ಟ್ ಕಾರುಗಳಲ್ಲಿ ಇಂಧನ ಸೋರಿಕೆ ಕಂಡು ಬಂದ ಹಿನ್ನಲೆಯಲ್ಲಿ ಸುಮಾರು 1.09 ಲಕ್ಷ ಸ್ವಿಫ್ಟ್ ಕಾರುಗಳನ್ನು ರಿಕಾಲ್ ಮಾಡಲು ಕಂಪನಿ ನಿರ್ಧರಿಸಿದೆ.

ಕಂಪನಿಯು ಭಾರತದಲ್ಲಿನ ಸ್ವಿಫ್ಟ್ ಕಾರುಗಳನ್ನು ರಿಕಾಲ್ ಮಾಡುವುದಿಲ್ಲ. ಯಾಕೆಂದರೆ ಇಲ್ಲಿನ ಕಾರುಗಳಿಗೆ ಕಂಪನಿಯು ಸ್ಥಳೀಯವಾಗಿ ಬಿಡಿಭಾಗಗಳನ್ನು ಉತ್ಪಾದಿಸುತ್ತಿದೆ. ಹೀಗಾಗಿ "ಮೇಡ್ ಇನ್ ಇಂಡಿಯಾ ಸ್ವಿಫ್ಟ್ ಕಾರುಗಳ ಹಿಂಪಡೆತವಿಲ್ಲ" ಎಂದು ಕಂಪನಿ ಪ್ರಕಟಿಸಿದೆ.

ಜಪಾನಿನಲ್ಲಿ 2010ರಿಂದ 2012ರ ಏಪ್ರಿಲ್ ತಿಂಗಳವರೆಗೆ ಉತ್ಪಾದಿಸಿರುವ ಸ್ವಿಫ್ಟ್ ಕಾರುಗಳನ್ನು ಕಂಪನಿ ವಾಪಸ್ ಪಡೆಯಲಿದೆ.