ಇದೀಗ ಮಿನಿ ಮೇಳ; ನಿರೀಕ್ಷಿಸಿ ಟಾಟಾ ಮಿನಿ ಆರಿಯಾ, ಮಿನಿ ಸುಮೋ

ಟಾಟಾ ಮಿನಿ ಸುಮೋ

ಮತ್ತಷ್ಟು ಕುತೂಹಲಕಾರಿ ಸಂಗತಿ ಕೆಲವು ವರ್ಷಗಳ ಹಿಂದೆ ದೇಶದ ರಸ್ತೆಯಲ್ಲಿ ಭಾರಿ ಸದ್ದು ಮಾಡಿದ್ದ ಸುಮೋದ ಪರಿಷ್ಕೃತ ಆವೃತ್ತಿ ಮಿನಿ ಸುಮೋ ಕೂಡಾ ಆಗಮನವಾಗಲಿದೆ. ದೇಶದ ತಾಂತ್ರಿಕ ಘಟಕ ಹಾಗೂ ಟಾಟಾ ಯುರೋಪ್ ಜಂಟಿಯಾಗಿ ಮಿನಿ ಸುಮೋದ ಡಿಸೈನ್‌ಗೆ ರೂಪುರೇಷೆ ನೀಡುತ್ತಿದೆ.

ಟಾಟಾ ಮಿನಿ ಸುಮೋ

ಮಿನಿ ಆರಿಯಾ ಹಾಗೂ ಮಿನಿ ಸುಮೋ ಮೂಲಕ ಟಾಟಾ ಮೋಟಾರ್ಸ್ ಮಾರಾಟ ಪ್ರಗತಿಯನ್ನು ನಿರೀಕ್ಷಿಸುತ್ತಿದೆ. ಇತ್ತೀಚೆಗಷ್ಟೇ ಪ್ರತಿಸ್ಪರ್ಧಿ ಮಹೀಂದ್ರ ಆಂಡ್ ಮಹೀಂದ್ರ ಕಂಪನಿಯು ಮಿನಿ ಕ್ಸೈಲೋ ಪ್ರಸ್ತುತಪಡಿಸಿತ್ತಲ್ಲದೆ ಉತ್ತಮ ಪ್ರತಿಕ್ರಿಯೆ ಗಿಟ್ಟಿಸಿಕೊಂಡಿತ್ತು. ಇದೀಗ ಇದೇ ತಂತ್ರಗಾರಿಕೆಯನ್ನು ಅನುಸರಿಸಿರುವ ಟಾಟಾ ಕೂಡಾ ಪ್ರತಿತಂತ್ರ ಹಣೆಯುತ್ತಿದೆ.

ಟಾಟಾ ಮಿನಿ ಸುಮೋ

ಅಂದ ಹಾಗೆ ದೇಶದ ಮಾರುಕಟ್ಟೆಯಲ್ಲಿ ಚಿಕ್ಕ ವಾಹನಗಳಿಗೆ ಬೇಡಿಕೆ ಹೆಚ್ಚುತ್ತಿರುವ ಹಿನ್ನಲೆಯಲ್ಲಿ ಟಾಟಾದ ಈ ಹೊಸ ಆವೃತ್ತಿ ಸದ್ದು ಮಾಡುವ ನಿರೀಕ್ಷೆಯಿದೆ

ಟಾಟಾ ಮಿನಿ ಆರಿಯಾ

ಈ ಹಿಂದೆ ರಸ್ತೆಗಿಳಿದಿದ್ದ ಟಾಟಾ ಎಂಪಿವಿ ಆರಿಯಾ ಕಾರು ದುಬಾರಿಯಾಗಿದ್ದರಿಂದ ದೇಶದ ಮಾರುಕಟ್ಟೆಯಲ್ಲಿ ಹೆಚ್ಚು ಸದ್ದು ಮಾಡಲು ಸಾಧ್ಯವಾಗಲಿಲ್ಲ. ಇವೆಲ್ಲವನ್ನು ಗಮನದಲ್ಲಿಸಿಕೊಂಡು ಮಿನಿ ಆರಿಯಾ ಯೋಜನೆಯೊಂದಿಗೆ ಆಗಮಿಸಿರುವ ಟಾಟಾ ಹೆಚ್ಚು ನಿರೀಕ್ಷೆಯನ್ನು ಹೊಂದಿದೆ.

ಟಾಟಾ ಮಿನಿ ಆರಿಯಾ

ಆರಿಯಾದಲ್ಲಿ 2.2 ಲೀಟರ್ ಇಂಧನ ಕ್ಷಮತೆ ಎಂಜಿನ್ ಪ್ರಯೋಗಿಸಲಾಗಿತ್ತು. ಆದರೆ ನೂತನ ಆರಿಯಾದಲ್ಲಿ 1.5 ಲೀಟರ್‌ಗಿಂತಲೂ ಕಡಿಮೆ ದಕ್ಷತೆಯ ಎಂಜಿನ್ ಆಳವಡಿಸುವ ಸಾಧ್ಯತೆಯಿದೆ. ಇದರಿಂದ ಬೆಲೆಯಲ್ಲಿ ಕುಸಿತ ಕಂಡುಬರುವುದಲ್ಲದೆ ಮೈಲೇಜ್ ಕೂಡಾ ಉತ್ತಮವಾಗಿ ಸಿಗಲಿದೆ.