ಡೀಲರ್ ತೃಪ್ತಿ ವಿಷ್ಯದಲ್ಲಿ ಟೊಯೊಟಾಗೆ ಅಗ್ರಸ್ಥಾನ

ಚಿತ್ರಲೋಕ

ನೂತನ ಸಮೀಕ್ಷೆಯಲ್ಲಿ ಟೊಯೊಟಾ ಕಂಪನಿಯು 913 ಅಂಕ ಪಡೆದು ಪ್ರಥಮ ಸ್ಥಾನ ಪಡೆದಿದೆ. 878 ಅಂಕ ಪಡೆದ ಹ್ಯುಂಡೈ ಎರಡನೇ ಸ್ಥಾನವನ್ನು ಮತ್ತು 858 ಅಂಕ ಪಡೆದು ಮಾರುತಿ ಸುಜುಕಿ ಮೂರನೇ ಸ್ಥಾನವನ್ನು ಪಡೆದಿದೆ.

ವಾಹನ ಬಿಡಿಭಾಗ, ಆಕ್ಸೆಸರಿ ಮಾರಾಟ ಸೇರಿದಂತೆ ಉತ್ಪನ್ನಗಳ ಮಾರಾಟದಲ್ಲಿ ದೇಶದ ವಾಹನ ಡೀಲರುಗಳು ಪ್ರತಿ ವರ್ಷ ಶೇಕಡ 34ರಷ್ಟು ಆದಾಯ ಹೆಚ್ಚಾಗಲು ಬಯಸುತ್ತಾರೆ. ಜೊತೆಗೆ ವಾಹನ ವಿಮೆ ಮತ್ತು ವಾಹನ ಸಾಲದಲ್ಲಿ ಕಮಿಷನ್ ಹೆಚ್ಚು ಪಡೆಯಲು ಬಯಸುತ್ತಾರೆ ಎಂದು ಸಮೀಕ್ಷೆಯಲ್ಲಿ ತಿಳಿದು ಬಂದಿದೆ.

ಮಾರ್ಕೆಟಿಂಗ್, ಮಾರಾಟ ಚಟುವಟಿಕೆಗಳು, ವಾಹನ ಆರ್ಡರ್ ಮಾಡುವುದು, ವಾಹನ ಪೂರೈಕೆ, ಉತ್ಪನ್ನ ಬಿಡಿಭಾಗ, ವಾರೇಂಟಿ ಕ್ಲೈಮ್ ಮಾಡುವುದು, ಮಾರಾಟ ತಂಡ, ತರಬೇತಿ, ಕಂಪನಿಗಳ ಪ್ರೋತ್ಸಾಹ ಇತ್ಯಾದಿ ವಿಷಯಗಳಲ್ಲಿ ವಾಹನ ಕಂಪನಿಗಳು ಡೀಲರುಗಳಿಗೆ ಎಷ್ಟು ತೃಪ್ತಿ ನೀಡಿವೆ ಎಂದು ಸಮೀಕ್ಷೆಯಲ್ಲಿ ಅವಲೋಕಿಸಲಾಗಿತ್ತು.