ಆರು ವರ್ಷದ ಪೋರನ ಮೇಲೆ ಫೈನ್ ಹಾಕಿದ ಟ್ರಾಫಿಕ್ ಪೊಲೀಸಪ್ಪ!

ಕ್ರಿಸ್ ಮಸ್ ಉಡುಗೊರೆಯಾಗಿ ದೊರಕಿದ ಆಟಿಕೆ ಬೈಕನ್ನು ಸ್ಪೋರ್ಟ್ ಯುಟಿಲಿಟಿ ವೆಹಿಕಲಿಗೆ ಡಿಕ್ಕಿ ಹೊಡೆಸಿದ್ದಾನೆ. ಆರು ವರ್ಷದ ಹುಡುಗನ ಹೆಸರು ಗೇಲ್ ಸ್ಯಾಂಟಿಗೊ. ಆತ ತನ್ನ ಮನೆಯ ಹತ್ತಿರದಲ್ಲಿ ರೈಡ್ ಮಾಡುತ್ತಿದ್ಗ. ಆಗ ಸ್ಟಾಪ್ ಸಿಗ್ನಲ್ ದಾಟಿ ಮುಂದಕ್ಕೆ ಹೋದ ಆಟಿಕೆ ಬೈಕ್ ಸ್ಪೋರ್ಟ್ ಯುಟಿಲಿಟಿ ವೆಹಿಕಲಿಗೆ ದಿಕ್ಕಿ ಹೊಡೆಯಿತು. ಪುಣ್ಯಕ್ಕೆ ಹುಡುಗನಿಗೆ ಏನೂ ಆಗಲಿಲ್ಲ.

"ಪುಟ್ಟ ಮಗುವಿನ ಮೇಲೆ ಫೈನ್ ಹಾಕಿರೋದು ಹಾಸ್ಯಾಸ್ಪದ ಎಂದು ಹೇಳಕೆ ನೀಡಿದ ಹುಡುಗನ ಅಮ್ಮ ಕಾರ್ಲಾ ನೊರಿಗೊ, "ಗ್ಯಾಸೊಲಿನ್ ಚಾಲಿತ ಚಿಕಣಿ ಆಟಿಕೆ ಬೈಕಿಗೆ ದಂಡ ವಿಧಿಸಿರುವುದು ಟ್ರಾಫಿಕ್ ಪೊಲೀಸರಿಗೆ ಬುದ್ಧಿ ಇಲ್ಲವೆಂದು ತೋರಿಸುತ್ತದೆ" ಎಂದು ಹೇಳಿದ್ದಾರೆ.

"ನನ್ ಮಗನಿಗೆ ಬೈಕ್ ವಾಪಸ್ ಮಾಡಬೇಕು ಮತ್ತು ವಿಧಿಸಿರುವ ದಂಡ ವಾಪಸ್ ಪಡೆಯಬೇಕು. ಅವನಲ್ಲಿ ವಾಹನ ಚಾಲನೆ ಪರವಾನಿಗೆ ಇಲ್ಲವೆಂದು ಫೈನ್ ಹಾಕ್ತರಲ್ವ? ಅವ್ರಿಗೆ ಬುದ್ದಿ ಇದೆಯಾ? ಅವನಲ್ಲಿ ಲೈಸನ್ಸ್ ಯಾಕಿಲ್ಲವೆಂದರೆ ಅವನಿಗಿನ್ನೂ ಆರು ವರ್ಷ" ಎಂದು ಕಾರ್ಲಾ ಕೋಪದಿಂದ ಕಿಡಿಕಾರುತ್ತ ಮಾಧ್ಯಮದ ಮುಂದೆ ಹೇಳಿದ್ದರು.

ಆಟಿಕೆ ಬೈಕನ್ನು ವಾಪಸ್ ಪಡೆಯಲು 183 ಡಾಲರ್ ದಂಡ ನೀಡಬೇಕೆಂದು ಟ್ರಾಫಿಕ್ ಪೊಲೀಸರು ತಿಳಿಸಿದಾಗ ಈ ಸುದ್ದಿಯನ್ನು ಮಾಧ್ಯಮದ ಮುಂದೆ ತರಲು ನಿರ್ಧರಿಸಿದಳು. ಕೊನೆಗೆ ಈಕೆಯ ಜಗಳಕ್ಕೆ ಮತ್ತು ಮಾಧ್ಯಮ ಬೆಂಬಲಕ್ಕೆ ಬೆದರಿದ ಪೊಲೀಸರು ತನಿಖೆ ನಡೆಸಿ ಈ ಘಟನೆಯಲ್ಲಿ ಸ್ಪೋರ್ಟ್ ಕಾರು ನಡೆಸುತ್ತಿದ್ದ ಮಹಿಳೆಯದ್ದೇ ತಪ್ಪು ಎಂದು ತೀರ್ಪು ನೀಡಿ ಪುಟ್ಟನ ಆಟಿಕೆ ಬೈಕನ್ನು ವಾಪಸ್ ನೀಡಿದ್ರು.

ಬೈಕ್ ಪಡೆದದ್ದು ಪುಟಾಣಿ ಗೇಲ್ ಗೆ ಖುಷಿಯನ್ನೇನೂ ನೀಡಿತ್ತು. ಆದ್ರೆ ಅಪಘಾತದ ನಂತರ ಅದು ಹಾಳಾಗಿದೆಯಂತೆ! ಪಾಪ್ ಗೇಲ್