ಬೆಂಝ್-ಆಸ್ಟನ್ ಮಾರ್ಟಿನ್ ಟೆಕ್ನಿಕಲ್ ಸಹಭಾಗಿತ್ವ

ವಾಹನ ಜಗತ್ತಿನ ಎರಡು ದಂತಕಥೆಗಳು ಒಂದಾಗಲು ನಿರ್ಧರಿಸಿದೆ. ಹೌದು, ಮುಂದಿನ ದಿನಗಳಲ್ಲಿ ತಾಂತ್ರಿಕ ಸಹಭಾಗಿತ್ವಕ್ಕೆ ಐಕಾನಿಕ್ ಕಂಪನಿಗಳಾದ ಆಸ್ಟನ್ ಮಾರ್ಟಿನ್ ಮತ್ತು ಮರ್ಸಿಡಿಸ್ ಬೆಂಝ್ ನಿರ್ಧರಿಸಿದೆ.

ಕಳೆದ ಜುಲೈ ತಿಂಗಳಲ್ಲಿ ಬ್ರಿಟನ್‌ನ ಹಾಗೂ ಜರ್ಮನಿಯ ಈ ಎರಡು ಪ್ರಖ್ಯಾತ ಸಂಸ್ತೆಗಳು ಲೆಟರ್ ಆಫ್ ಇಂಟೆಟ್‌ಗೆ (Letter of Intent) ಸಹಿ ಹಾಕಿಕೊಂಡಿದ್ದವು.

• ಮರ್ಸಿಡಿಸ್ ಬೆಂಝ್ ನಿರ್ವಹಣಾ ವಿಭಾಗವಾದ ಎಎಂಜಿ ಸಂಪನ್ಮೂಲಗಳ ಹಾಗೂ ಪರಿಣತಿ ಪಡೆಯಲು ಆಸ್ಟನ್‌ಗೆ ಅವಕಾಶ
• ವಿ8 ಎಂಜಿನ್ ಪಡೆದ ನೆಕ್ಸ್ಟ್ ಜನರೇಷನ್ ಆಸ್ಟನ್ ಮಾರ್ಟಿನ್ ಕಾರು ಜತೆಗಾರಿಕೆಯ ಫಲವಾಗಿ ಬರಲಿರುವ ಮೊದಲ ಮಾದರಿ ಎನಿಸಿಕೊಳ್ಳಲಿದೆ.
• ಬೆಂಝ್ ಮಾತೃಸಂಸ್ಥೆ ಡೈಮ್ಲರ್‌ಗೆ ಆಸ್ಟನ್ ಮಾರ್ಟಿನ್‌ನಲ್ಲಿ ಶೇಕಡಾ ಐದರಷ್ಟು ಶೇರು ಸಂಪಾದನೆ.

ಮೇಲೆ ಉಲ್ಲೇಖಿಸಿದ ಅಂಶಗಳ ಹೊರತಾಗಿ ಸ್ವಯಂಚಾಲಿತ ಎಲೆಕ್ಟ್ರಾನಿಕ್ ತಂತ್ರಜ್ಞಾನ ಹಂಚಿಕೆ ಬಗ್ಗೆಯೂ ಎರಡು ಸಂಸ್ಥೆಗಳು ಒಮ್ಮತದ ನಿರ್ಧಾರಕ್ಕೆ ಬಂದಿದೆ.