ಬೆಂಝ್ ಹಾದಿ ಹಿಡಿದ ಆಡಿ; ದರ ಏರಿಕೆ ಘೋಷಣೆ

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಹೊಸ ದರವು ಮಾರ್ಚ್ 16 ಶನಿವಾರದಿಂದ ಜಾರಿಗೆ ಬರಲಿದ್ದು, ಶೇಕಡಾ 15ರಷ್ಟು ಏರಿಕೆ ಮಾಡಲಾಗಿದೆ. ಆಡಿ ಕ್ಯೂ ರೇಂಜ್‌ನ ಎಸ್‌ಯುವಿ ಕಾರುಗಳಿಗೆ ಶೇಕಡಾ 2.5ರಷ್ಟು ದರ ಏರಿಕೆ ಘೋಷಿಸಲಾಗಿದೆ.

ಹಾಗೆಯೇ ಸ್ಪೋರ್ಟಿ ನಿರ್ವಹಣಾ ರೇಂಜ್ ಕಾರುಗಳಾದ ಆಡಿ ಆರ್8 ಹಾಗೂ ಆರ್‌ಎಸ್5 ಮಾದರಿಗಳಿಗೆ ಶೇಕಡಾ 15ರ ವರೆಗೆ ದರ ಏರಿಕೆ ಕಂಡುಬರಲಿದೆ ಎಂದು ಆಡಿ ಇಂಡಿಯಾ ಕಂಪನಿ ಪ್ರಕಟಣೆಯಲ್ಲಿ ತಿಳಿಸಿದೆ.

ಇತ್ತೀಚೆಗಷ್ಟೇ ಸಂಸತ್‌ನಲ್ಲಿ ಮಂಡಿಸಲಾದ 2013-14ನೇ ಸಾಲಿನ ಕೇಂದ್ರ ಬಜೆಟ್‌ನಲ್ಲಿ ಅಬಕಾರಿ ಸುಂಕ ಹೆಚ್ಚಳಗೊಳಿಸಿರುವುದು ಐಷಾರಾಮಿ ಕಾರು ತಯಾರಕರನ್ನು ದರ ಏರಿಕೆಗೊಳಿಸುವಂತೆ ಪ್ರೇರೇಪಿಸಿದೆ. ಹಾಗಿದ್ದರೂ ಆಡಿ ಕಾರುಗಳನ್ನು ಖರೀದಿಸಲು ಗ್ರಾಹಕರಿಗೆ ಫೈನಾನ್ಸ್ ಆಫರ್ ಒದಗಿಸಲಾಗುತ್ತಿದೆ ಎಂದು ಕಂಪನಿ ತಿಳಿಸಿದೆ.

ಒಟ್ಟಾರೆಯಾಗಿನ ಮಾರುಕಟ್ಟೆ ಪರಿಸ್ಥಿತಿ ಸವಾಲಿನಿಂದ ಕೂಡಿದ್ದರೂ ಫೆಬ್ರವರಿ ತಿಂಗಳಲ್ಲಿ ಆಡಿ ಮಾರಾಟವು ಶೇಕಡಾ 29ರಷ್ಟು ಪ್ರಗತಿ ಸಾಧಿಸಿದೆ. ಈ ಸಂದರ್ಭದಲ್ಲಿ 775 ಯುನಿಟ್ ಮಾರಾಟವಾಗಿವೆ. ಇನ್ನು ಜಾಗತಿಕವಾಗಿ 110,000 ಯುನಿಟ್ ಸೇಲ್ ಆಗಿವೆ.

ಕಂಪನಿಯು ಈಗಾಗಲೇ ಮುಂಬೈ ಹಾಗೂ ಲಕ್ನೋದಲ್ಲಿ ಹೊಸ ಶೋ ರೂಂ ತೆರೆದುಕೊಂಡಿದೆ. ಕಳೆದ ವರ್ಷ ರಾಯಪುರ, ಕಾನ್ಪುರ, ಗೋವಾ, ಕೊಯಂಬತ್ತೂರು, ದೆಹಲಿ ಪೂರ್ವ, ನಾಗ್ಪುರ ಹಾಗೂ ಭೋಪಾಲದಲ್ಲಿ ಶೋ ರೂಂ ತೆರೆದುಕೊಂಡಿತ್ತು.