ಬಿಎಂಡಬ್ಲ್ಯು ಫೈವ್ ಡೋರ್ ಅಗ್ಗದ ಲಗ್ಷುರಿ ಕಾರು ಬಿಡುಗಡೆಗೆ ಸಿದ್ಧ

ತಮ್ಮ ನಿಕಟ ಪ್ರತಿಸ್ಪರ್ಧಿಗಳಾದ ಮರ್ಸಿಡಿಸ್ ಎ ಕ್ಲಾಸ್, ಬಿ ಕ್ಲಾಸ್ ಹಾಗೂ ಆಡಿ ಕ್ಯೂ3 ಆವೃತ್ತಿಗಳಿಗೆ ತಿರುಗೇಟು ನೀಡಲು ಸಜ್ಜಾಗುತ್ತಿರುವ ಬಿಎಂಡಬ್ಲ್ಯು ಸದ್ಯದಲ್ಲೇ ಅಂದರೆ ಸೆಪ್ಟೆಂಬರ್ 3ರಂದು ಐದು ಡೋರಿನ ಐಷಾರಾಮಿ 1 ಸಿರೀಸ್ ಕಾರನ್ನು ಬಿಡುಗಡೆಗೊಳಿಸಲಿದೆ.

ಪೆಟ್ರೋಲ್ ಹಾಗೂ ಡೀಸೆಲ್ ಎಂಜಿನ್ ವೆರಿಯಂಟ್‌ಗಳಲ್ಲಿ ಬಿಎಂಡಬ್ಲ್ಯು 1 ಸಿರೀಸ್ ಆಗಮನವಾಗಲಿದೆ. ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ ಸಣ್ಣ ಕ್ರಾಸೋವರ್ ರೀತಿಯಲ್ಲಿ ಕಾರನ್ನು ವಿನ್ಯಾಸಗೊಳಿಸಲಾಗಿದ್ದು, ಎ ಕ್ಲಾಸ್‌ಗೆ ಹೋಲಿಸಿದರೆ ಹೆಚ್ಚು ಸ್ಥಳಾವಕಾಶ ಹೊಂದಿರಲಿದೆ.

ಹಾಗೆಯೇ 116ಐ 1.6 ಲೀಟರ್ ಪೆಟ್ರೆಲ್ ಎಂಜಿನ್ 136 ಅಶ್ವಶಕ್ತಿ (220ಎನ್‌ಎಂ ಟರ್ಕ್ಯೂ) ಉತ್ಪಾದಿಸಲಿದೆ. ಇದು ಕೂಡಾ ಪ್ರತಿ ಲೀಟರ್‌ಗೆ 18.51 ಕೀ.ಮೀ ಮೈಲೇಜ್ ನೀಡುವಲ್ಲಿ ಸಕ್ಷಮವಾಗಿದೆ. ಎರಡು ಎಂಜಿನ್‌ಗಳಲ್ಲಿ 8 ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷ್ ಹೊಂದಿರಲಿದೆ.

ಐದು ಡೋರಿನ ಈ ಬಿಎಂಡಬ್ಲ್ಯು 1 ಸಿರೀಸ್ 22ರಿಂದ 25 ಲಕ್ಷ ರು.ಗಳ ಅಸುಪಾಸಿನಲ್ಲಿ ಮಾರುಕಟ್ಟೆಗಿಳಿಯುವ ನಿರೀಕ್ಷೆಯಿದೆ. ಹಾಗಿದ್ದರೂ ಚೆನ್ನೈನ ಘಟಕದಲ್ಲಿ ಕಾರು ಸ್ಥಳೀಯವಾಗಿ ತಯಾರಿಯಾಗಲಿರುವುದರಿಂದ ಬಿಎಂಡಬ್ಲ್ಯು ನಮ್ಮನ್ನು ಅಚ್ಚರಿಗೊಳಿಸುವ ಸಾಧ್ಯತೆಯನ್ನು ಅಲ್ಲಗಳೆಯುವಂತಿಲ್ಲ. ಹೆಚ್ಚಿನ ಮಾಹಿತಿಗಾಗಿ ಸದಾ ಡ್ರೈವ್ ಸ್ಪಾರ್ಕ್ ಓದುತ್ತಿರಿ.

ಡ್ರೈವ್ ಸ್ಪಾರ್ಕ್ ವೀಡಿಯೋ ಗ್ಯಾಲರಿ