ಜನರಲ್ ಮೋಟಾರ್ಸ್‌ನಿಂದಲೂ ದರ ಏರಿಕೆ ಘೋಷಣೆ

ಕಳೆದ ಕೆಲವು ವಾರಗಳಿಂದ ಆಟೋ ವಲಯದಲ್ಲಿ ಬೆಲೆ ಏರಿಕೆ ಬಿಸಿ ಮುಟ್ಟತ್ತಲೇ ಇದೆ. ಈ ಪಟ್ಟಿಗೆ ಅಮೆರಿಕ ಮೂಲದ ಜನರಲ್ ಮೋಟಾರ್ಸ್ ಸಹ ಸೇರಿಕೊಂಡಿದ್ದು, ಜನವರಿ ತಿಂಗಳಿಂದ ದರ ಏರಿಕೆಗೊಳಿಸುವುದಾಗಿ ಘೋಷಿಸಿದೆ.

ಉತ್ಪಾದನಾ ವೆಚ್ಚ ವರ್ಧಿಸಿರುವುದು ದರ ಏರಿಕೆಗಿರುವ ಪ್ರಮುಖ ಕಾರಣವಾಗಿದೆ ಎಂದು ಜನರಲ್ ಮೋಟಾರ್ಸ್ ಪತ್ರಿಕಾ ಪ್ರಕಟಣೆಯಲ್ಲಿ ಸ್ಪಷ್ಟಪಡಿಸಿದೆ.

ದೇಶದ ವಿವಿಧ ವೆರಿಯಂಟ್ ಕಾರುಗಳನ್ನು ಜನರಲ್ ಮೋಟಾರ್ಸ್ ಮಾರಾಟ ಮಾಡುತ್ತಿದೆ. ಇದು 3.33 ಲಕ್ಷ ರು.ಗಳ ರೇಂಜ್‌ನ ಸ್ಪಾರ್ಕ್ ಸಿಟಿಯಿಂದ ಆರಂಭಿಸಿ 25.71 ಲಕ್ಷ ರು.ಗಳ ದುಬಾರಿ ಕಾಪ್ಟಿಯಾ ವರೆಗಿದೆ.