ತವೆರಾ ರಿಕಾಲ್; ಜನರಲ್ ಮೋಟಾರ್ಸ್‌ಗೆ ಕೋಟಿ ಕೋಟಿ ದಂಡ?

ದೇಶದ ಇತಿಹಾಸದಲ್ಲಿ ಅತಿದೊಡ್ಡ ರಿಕಾಲ್ ನಡೆಸಿದ್ದ ಜನರಲ್ ಮೋಟಾರ್ಸ್ ಇದೀಗ ಕೇಂದ್ರ ಸರಕಾರದ ಕೆಂಗಣ್ಣಿಗೆ ಗುರಿಯಾಗುತ್ತಿದೆ. ಕೆಲವು ದಿನಗಳ ಹಿಂದೆಯಷ್ಟೇ ತಾಂತ್ರಿಕ ದೋಷ ಹಿನ್ನಲೆಯಲ್ಲಿ 1.14 ಲಕ್ಷಗಳಷ್ಟು ಷೆವರ್ಲೆ ತವೆರಾ ಮಾದರಿಗಳನ್ನು ಹಿಂಪಡೆಯಲು ಅಮೆರಿಕ ಮೂಲದ ಜನರಲ್ ಮೋಟಾರ್ಸ್ ನಿರ್ಧರಿಸಿತ್ತು.

ಇದೀಗ ಜನರಲ್ ಮೋಟಾರ್ಸ್ ವಿರುದ್ಧ ಕ್ರಮಕ್ಕೆ ಮುಂದಾಗಿರುವ ಸಾರಿಗೆ ಸಚಿವಾಲಯವು ಈ ಸಂಬಂಧ ಜಿಎಂ ಘಟಕ ಸ್ಥಿತಗೊಂಡಿರುವ ಗುಜರಾತ್ ಹಾಗೂ ಮಹಾರಾಷ್ಟ್ರ ಸರಕಾರಗಳಿಗೆ ಲಿಖಿತ ಬರಹವನ್ನು ರವಾನಿಸಿದೆ. ಇದರಲ್ಲಿ ಶೀಘ್ರದಲ್ಲೇ ಕ್ರಮ ಕೈಗೊಳ್ಳಲು ಕೋರಲಾಗಿದ್ದು, ಸೆಂಟ್ರಲ್ ಮೋಟಾರು ವೆಹಿಕಲ್ ಕಾಯಿದೆ (ಸಿಎಂವಿಎ) ಪ್ರಕಾರ ಅಗತ್ಯವಿದ್ದಲ್ಲಿ ಕ್ರಿಮಿನಲ್ ಕೇಸು ದಾಖಲಿಸುವ ಸಾಧ್ಯತೆಯಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಹೊಗೆ ಹೊರಸೂಸುವಿಕೆ ಹಾಗೂ ಕೆಲವು ನಿರ್ದಿಷ್ಟ ಸಮಸ್ಯೆ ತಲೆದೋರಿದ್ದರಿಂದ 2005ರಿಂದ 2013ರ ವರೆಗಿನ ಮಾಡೆಲ್‌ಗಳನ್ನು ಹಿಂಪಡೆಯಲು ಜನರಲ್ ಮೋಟಾರ್ಸ್ ನಿರ್ಧರಿಸಿತ್ತು. ತವೆರಾ ಬಿಎಸ್3 ಹಾಗೂ ಬಿಎಸ್4 ವೆರಿಯಂಟ್‌ಗಳಲ್ಲಿ ಸಮಸ್ಯೆ ತಲೆದೋರಿತ್ತು. ಈ ಸಂಬಂಧ 35 ಕಾರ್ಯ ನಿರ್ವಾಹಕರನ್ನು ಜನರಲ್ ಮೋಟಾರ್ಸ್ ಕೆಲಸದಿಂದ ವಜಾಗೊಳಿಸಿತ್ತು.