ಬೆಂಝ್ ಅಗ್ಗದ ಐಷಾರಾಮಿ ಕಾರುಗಳಿಗೆ ಭಾರಿ ಬೇಡಿಕೆ

ಭಾರತೀಯ ಮಾರುಕಟ್ಟೆಗೆ ಅಗ್ಗದ ಎಂಟ್ರಿ ಲೆವೆಲ್ ಐಷಾರಾಮಿ ಕಾರುಗಳನ್ನು ಪರಿಚಯಿಸಿದ್ದ ಮರ್ಸಿಡಿಸ್ ಬೆಂಝ್‌ಗೆ ಭಾರಿ ಬೇಡಿಕೆ ಕಂಡುಬರುತ್ತಿದೆ. ಜರ್ಮನಿಯ ಮೂಲದ ಪ್ರೀಮಿಯಂ ಕಾರು ತಯಾರಕ ಸಂಸ್ಥೆಯಾದ ಬೆಂಝ್ ಇದೀಗ ಎ ಹಾಗೂ ಬಿ ಕ್ಲಾಸ್‌ನತ್ತ ಹೆಚ್ಚು ಗಮನ ಕೇಂದ್ರಿತವಾಗಿದ್ದು, ಕಾಂಪಾಕ್ಟ್ ಕಾರುಗಳಿಗೆ ಭಾರತದಲ್ಲಿ ದೊರಕಿರುವ ಅಮೋಘ ಪ್ರತಿಕ್ರಿಯೆಯಿಂದಾಗಿ ಇನ್ನಷ್ಟು ಆವೃತ್ತಿಗಳನ್ನು ಪರಿಚಯಿಸಲು ಯೋಜನೆ ಹೊಂದಿದೆ.

ನಾವು ಬೆಂಝ್ ಎ ಕ್ಲಾಸನ್ನು ಭಾರತದಲ್ಲಿ ಲಾಂಚ್ ಮಾಡಿದ್ದೇವೆ. ಇದುವರೆಗೆ ಭಾರತದಲ್ಲಿ ಬೆಂಝ್ ಕಾಂಪಾಕ್ಟ್ ಕಾರಿಗೆ ಅದ್ಭುತ ಪ್ರತಿಕ್ರಿಯೆ ದೊರಕಿದೆ ಎಂಬುದರಲ್ಲಿ ಯಾವುದೇ ಸಂಶಯವೂ ಬೇಡ. ಭಾರತದಲ್ಲಿ ಮಾರಾಟವಾಗುತ್ತಿರುವ 4 ಬೆಂಝ್ ಕಾರುಗಳ ಪೈಕಿ ಒಂದು ಕಾಂಪಾಕ್ಟ್ ಕಾರಾಗಿದೆ ಎಂದು ಮರ್ಸಿಡಿಸ್ ಬೆಂಝ್ ಇಂಡಿಯಾ ನಿರ್ದೇಶಕ ಹಾಗೂ ಸಿಇಒ ಎಬೆರ್‌ಹಾರ್ಡ್ ಕೆರ್ನ್ ತಿಳಿಸಿದ್ದಾರೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಹಾಗಿದ್ದರೂ ಈ ಎರಡು ಆವೃತ್ತಿಗಳು ಸ್ಥಳೀಯವಾಗಿ ಜೋಡಣೆಯಾಗಲಿದೆಯೇ ಎಂಬುದನ್ನು 2014ರಲ್ಲಷ್ಟೇ ನಿರ್ಧರಿಸಲಿದ್ದೇವೆ ಎಂದು ಬೆಂಝ್ ತಿಳಿಸಿದೆ. ಇದೀಗ ಭಾರತದಿಂದ ಬೇಡಿಕೆ ಪರಿಗಣಿಸಿ ತವರೂರಾದ ಜರ್ಮನಿಯಿಂದ ಹೆಚ್ಚಿನ ಕಾಂಪಾಕ್ಟ್ ಕಾರು ಆಮದು ಮಾಡಿಕೊಳ್ಳಲು ಮಾತೃಸಂಸ್ಥೆಯಲ್ಲಿ ಬೆಂಝ್ ಇಂಡಿಯಾ ವಿನಂತಿಸಿಕೊಂಡಿದೆ.