ನಿರೀಕ್ಷಿಸಿ; ಹೋಂಡಾ ಎಟಿವಿ ವಾಹನ ಭಾರತಕ್ಕೆ

ನಿಮಗೆಲ್ಲರಿಗೂ ತಿಳಿದಿದ್ದ ಹಾಗೆ ದೇಶದ ದ್ವಿಚಕ್ರ ಪ್ರಯಾಣಿಕ ವಾಹನ ವಿಭಾಗದಲ್ಲಿ ಹೋಂಡಾ ಬಹುದೊಡ್ಡ ಪಾತ್ರ ವಹಿಸುತ್ತಿದೆ. ಇನ್ನೊಂದೆಡೆ ಜಾಗತಿಕವಾಗಿ ಎಟಿವಿ ವಿಭಾಗದಲ್ಲಿ ಅಮೆರಿಕ ಮೂಲಕ ಪೊಲರಿಸ್ ನಂತರದ ಎರಡನೇ ಸ್ಥಾನ ಪಡೆದುಕೊಂಡಿದೆ.

ಕಳೆದ ಒಂದೆರಡು ವರ್ಷಗಳಲ್ಲಿ ಪೊಲರಿಸ್ ವಾಹನಗಳಿಗೆ ದೇಶದಲ್ಲಿ ಬೇಡಿಕೆ ಹೆಚ್ಚುತ್ತಲೇ ಇವೆ. ಇದು ಸತ್ಕಾರ ವಲಯ, ಸಾಹಸ ಉದ್ಯಾನವನ ಹಾಗೂ ಆಫ್ ರೋಡಿಂಗ್ ಉತ್ಸಾಹಿಗಳಿಂದ ಸ್ಥಿರ ಬೇಡಿಕೆಯನ್ನು ಕಾಯ್ದುಕೊಂಡಿದೆ.

ಇದೀಗ ಭಾರತದ ಎಟಿವಿ ಹೈ ಎಂಡ್ ವಾಹನ ವಿಭಾಗದಲ್ಲಿ ತನ್ನ ಪ್ರಾಬಲ್ಯ ಮೆರೆಯಲು ಹೊರಟಿರುವ ಹೋಂಡಾವು ಸಕ್ರಿಯ ಮಾರುಕಟ್ಟೆ ಹೊಂದುವ ನಿರೀಕ್ಷೆಯಲ್ಲಿದೆ.

ತೆರೆದುಕೊಂಡಿರುವ ವಿನ್ಯಾಸ ಹೊಂದಿರುವ ಎಟಿವಿ ವಾಹನಗಳು ದೊಡ್ಡದಾದ ಚಕ್ರಗಳನ್ನು ಹೊಂದಿರುತ್ತವೆ. 2011ರಲ್ಲಿ ಮಾರುಕಟ್ಟೆಗೆ ಲಗ್ಗೆಯಿಟಿದ್ದ ಪೊಲರಿಸ್ ಈಗಾಗಲೇ ಭಾರತದಲ್ಲಿ ಉತ್ತಮ ಮಾರಾಟ ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ಇವೆಲ್ಲವೂ ಆಲ್ ಟರೈನ್ ವೆಹಿಕಲ್ ಯಶಸ್ಸಿಗೆ ಸಾಕ್ಷಿಯಾಗಿದ್ದು, ಮುಂದಿನ ದಿನಗಳಲ್ಲಿ ಈ ವಿಭಾಗದಲ್ಲೂ ಹೆಚ್ಚಿನ ಪೈಪೋಟಿ ಕಂಡುಬರುವ ನಿರೀಕ್ಷೆಯಿದೆ.