ಮುಂದಿನ 3 ವರ್ಷಗಳಲ್ಲಿ 5 ನೂತನ ಹೋಂಡಾ ಕಾರುಗಳು

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಬಹುತೇಕ ಈ ಎಲ್ಲ ಕಾರುಗಳು ಡೀಸೆಲ್ ಎಂಜಿನ್ ಪಡೆದುಕೊಳ್ಳಲಿದೆ. ಈಗಿರುವ ಮಾಹಿತಿ ಪ್ರಕಾರ ಹೋಂಡಾ ಜಾಝ್ 2014ನೇ ಇಸವಿಯಲ್ಲಿ ಆಗಮನವಾಗಲಿದೆ. ಹೋಂಡಾ ಸದ್ಯ 1.2 ಲಕ್ಷ ಯುನಿಟ್‌ಗಳನ್ನು ವಾರ್ಷಿಕವಾಗಿ ಉತ್ಪಾದಿಸುತ್ತಿದೆ. ಹೆಚ್ಚುವರಿ 2,500 ಕೋಟಿ ರುಪಾಯಿ ಹೂಡಿಕೆ ಮಾಡುವ ಮೂಲಕ ಈ ಸಂಖ್ಯೆಯನ್ನು 2.4 ಲಕ್ಷ ಯುನಿಟ್‌ಗಳಿಗೆ ಏರಿಸುವ ಇರಾದೆಯನ್ನು ಕಂಪನಿ ಹೊಂದಿದೆ.

ಪ್ರಸ್ತುತ ದೇಶದ ಮಾರುಕಟ್ಟೆಯಲ್ಲಿ ಸೆನ್ಸಾಷನಲ್ ಸೃಷ್ಟಿ ಮಾಡಿರುವ ಹೋಂಡಾ ಅಮೇಜ್, ಪ್ರಸಕ್ತ ಆರ್ಥಿಕ ಸಾಲಿನ ಅಂತ್ಯದ ವೇಳೆಗೆ 50,000 ಯುನಿಟ್‌ ಮಾರಾಟ ಮಾಡುವ ಗುರಿಯನ್ನು ಹೊಂದಿದೆ.

ಕೆಲವು ದಿನಗಳ ಹಿಂದೆಯಷ್ಟೇ ದೇಶಕ್ಕೆ ತನ್ನ ಮೊದಲ ಡೀಸೆಲ್ ಎಂಜಿನ್ ಕಾರನ್ನು ಜಪಾನ್ ಮೂಲದ ಹೋಂಡಾ ಪರಿಚಯಿಸಿತ್ತು. ಬಿಡುಗಡೆ ಮೊದಲೇ ವೈರಲ್ ಆಗಿ ಹರಡಿದ್ದ ಬುಕ್ಕಿಂಗ್ ಭರಾಟೆ ಕಂಪನಿಯ ಜನಪ್ರಿಯತೆಗೆ ಸಾಕ್ಷಿಯಾಗಿತ್ತು.

ಪ್ರಸಕ್ತ ಆರ್ಥಿಕ ಸಾಲಿನಲ್ಲಿ ಶೇಕಡಾ 66ರಷ್ಟು ಪ್ರಗತಿಯನ್ನು ಹೋಂಡಾ ಗುರಿಯಾಗಿರಿಸಿಕೊಂಡಿದೆ. ಇದು ಅಮೇಜ್‌ನಿಂದ ಮಾತ್ರ ಸಾಧ್ಯ ಎಂಬುದನ್ನು ಮನಗಂಡಿರುವ ಹೋಂಡಾ, ಪ್ರತಿ ತಿಂಗಳು 4,000ದಿಂದ 5,000ದಷ್ಟು ಯುನಿಟ್‌ಗಳನ್ನು ಉತ್ಪಾದಿಸುವ ಯೋಜನೆ ಹೊಂದಿದೆ.