ದೇಶದಲ್ಲಿ ಹ್ಯಾಚ್‌ಬ್ಯಾಕ್ ಕಾರುಗಳ ಬೇಡಿಕೆ ಕುಸಿತ?

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ದೀರ್ಘಾವಧಿಯ ಮಾರುಕಟ್ಟೆ ದೃಷ್ಟಿಕೋನದಲ್ಲಿ ಕಾಂಪಾಕ್ಟ್ ವಾಹನಗಳು ಹೆಚ್ಚಿನ ಯಶಸ್ಸು ಸಾಧಿಸುತ್ತಿವೆ. ಗ್ರಾಹಕರು ಬ್ರಾಂಡ್ ಮೌಲ್ಯ ಸಾರುವ ಕ್ರೀಡಾ ಬಳಕೆಯ ವಾಹನವನ್ನು ಹೆಚ್ಚು ನೆಚ್ಚಿಕೊಂಡಿದ್ದಾರೆ ಎಂದು ವರದಿಯು ಹೇಳಿದೆ.

ಮಾರುತಿ ಆಲ್ಟೊ, ಜೆನ್ ಎಸ್ಟಿಲೊ, ಟ್ಯಾಟಾ ನ್ಯಾನೋ ಹಾಗೂ ಷೆವರ್ಲೆ ಸ್ಪಾರ್ಕ್ ಮಾರಾಟವು ಹಿನ್ನಡೆಯಲ್ಲಿದೆ. ಈ ನಡುವೆ 2012-13ನೇ ಸಾಲಿನಲ್ಲಿ ಪ್ರೀಮಿಯಂ ಹ್ಯಾಚ್‌ಬ್ಯಾಕ್ ಕಾರುಗಳಾದ ಮಾರುತಿ ಸ್ವಿಫ್ಟ್, ಎಂಟ್ರಿ ಲೆವೆಲ್ ಮಾರುತಿ ಸ್ವಿಫ್ಟ್ ಡಿಜೈರ್, ಎಸ್‌ಯುವಿ ಮಹೀಂದ್ರ ಬೊಲೆರೊ, ಎಂಯುವಿ ಟೊಯೊಟಾ ಇನ್ನೋವಾ ಹಾಗೂ ಹ್ಯುಂಡೈ ಐ20 ಉತ್ತಮ ಮಾರಾಟ ಕಾಯ್ದುಕೊಂಡಿದೆ.

ದೇಶದ ಗ್ರಾಹಕರು ನೇರವಾಗಿ ದೊಡ್ಡ ಕಾರುಗಳತ್ತ ವಾಲುತ್ತಿದ್ದಾರೆ. ಆದರೆ ಅಮೆರಿಕದಲ್ಲಿರುವಂತೆಯೇ ದುಬಾರಿ ಕಾರುಗಳನ್ನು ಆಶ್ರಯಿಸಿಕೊಂಡಿಲ್ಲ. ಹಾಗಿದ್ದರೂ ಕ್ರಮೇಣ ಸಣ್ಣ ಕಾರುಗಳ ಬೇಡಿಕೆ ಕುಸಿತ ಕಂಡುಬರುತ್ತಿದೆ ಎಂದು ವರದಿಯು ತಿಳಿಸಿದೆ.