ಮಾರುತಿ ಡಿಜೈರ್ ಮೈಲೇಜ್ 45.8 kmpl - ನಂಬ್ತೀರಾ?

ಹೌದು, ಮಾರುತಿ ಡಿಜೈರ್ ಕಾರಿನ ಮೈಲೇಜ್ 45.8 kmpl ಅಂದರೆ ನೀವು ನಂಬ್ತೀರಾ? ದೇಶದ ನಂ.1 ಕಾರು ತಯಾರಕ ಸಂಸ್ಥೆಯಾದ ಮಾರುತಿ ಸುಜುಕಿ ಇಂತಹದೊಂದು ವಾದ ಮುಂದಿಟ್ಟಿದೆ. ಇತ್ತೀಚೆಗಷ್ಟೇ 31 ನಗರಗಳಲ್ಲಾಗಿ ಮಾರುತಿ ಸುಜುಕಿ 'ಡಿಜೈರಬಲ್ ಮೈಲೇಜ್ ರಾಲಿ' ಹಮ್ಮಿಕೊಂಡಿತ್ತು. ಇದರಲ್ಲಿ 62 ಡಿಜೈರ್ ಮಾಲಿಕರು ಸ್ಪರ್ಧಿಸಿದ್ದರು.

ಮಾರುತಿ ಡಿಜೈರ್ ಶ್ರೇಷ್ಠ ಮೈಲೇಜ್ ಸಾಬೀತುಪಡಿಸುವುದೇ Rally ಉದ್ದೇಶವಾಗಿತ್ತು. ಹಾಗೆಯೇ ಸ್ಪರ್ಧೆಯಲ್ಲಿ ಭಾಗಿಯಾದವರಿಗೆ ಪೂರ್ವ ನಿರ್ಧರಿತ ರಸ್ತೆಗಳಲ್ಲಿ ಸಂಚರಿಸಲು ಅನುವು ಮಾಡಿಕೊಡಲಾಗಿತ್ತು.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಎಆರ್‌ಎಐ ಮಾನ್ಯತೆ ಪಡೆದಂತೆ ಮಾರುತಿ ಡಿಜೈರ್ ಡೀಸೆಲ್ ಕಾರು ಪ್ರತಿ ಲೀಟರ್‌ಗೆ 23.4 ಹಾಗೂ ಪೆಟ್ರೋಲ್ ಆವೃತ್ತಿ ಪ್ರತಿ ಲೀಟರ್‌ಗೆ 19.1 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿದೆ. ಆದರೆ ಇಲ್ಲಿ ನೇರ ದ್ವಿಗುಣವಾಗಿರುವುದು ಅಚ್ಚರಿಗೆ ಕಾರಣವಾಗಿದೆ.

ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಕಂಪನಿ, 50ಕೀ.ಮೀ ಅಸುಪಾಸಿನಲ್ಲಿ ವೇಗವನ್ನು ನಿಯಂತ್ರಣದಲ್ಲಿಟ್ಟುಕೊಂಡು ಡ್ರೈವಿಂಗ್ ಮಾಡಿರುವುದು, ಬ್ರೇಕಿಂಗ್ ಹಾಗೂ ಅಗತ್ಯಕ್ಕಾನುಸಾರವಾದ ಗೇರ್ ಬಳಕೆಯಿಂದಾಗಿ ಇದು ಸಾಧ್ಯವಾಗಿದೆ ಎಂದಿದೆ.