ಅಕ್ಟೋಬರ್‌ನಲ್ಲಿ ಮಾರುತಿ ಕಾರು ದರ ಏರಿಕೆ

ಅಕ್ಟೋಬರ್ ಮೊದಲ ವಾರದಿಂದ ತನ್ನೆಲ್ಲ ಮಾದರಿಯ ಕಾರುಗಳಿಗೆ ದರ ಏರಿಕೆಗೊಳಿಸುವುದಾಗಿ ದೇಶದ ಅತಿದೊಡ್ಡ ಪ್ರಯಾಣಿಕ ಕಾರು ತಯಾರಕ ಸಂಸ್ಥೆಯಾಗಿರುವ ಮಾರುತಿ ಸುಜುಕಿ ತಿಳಿಸಿದೆ.

ರುಪಾಯಿ ಅಪಮೌಲ್ಯ ಕಾರು ಬೆಲೆ ಏರಿಕೆಗಿರುವ ಪ್ರಮುಖ ಕಾರಣವಾಗಿದೆ. ಕಾರಿನ ಒಳಹರಿವು ವೆಚ್ಚ ಈಗಾಗಲೇ ವಿಪರೀತವಾಗಿ ಹೆಚ್ಚಿದೆ. ಹಾಗಾಗಿ ದರ ಏರಿಕೆಗೊಳಿಸುವುದು ಅನಿವಾರ್ಯವಾಗಿದೆ ಎಂದು ಮಾರುತಿ ಸುಜುಕಿ ಇಂಡಿಯಾ ಮುಖ್ಯ ಕಾರ್ಯನಿರ್ವಾಹಣಧಿಕಾರಿ(ಮಾರಾರ್ಟಿಂಗ್ ಹಾಗೂ ಸೇಲ್ಸ್) ಮಾಯಾಂಕ್ ಪರೀಕ್ ತಿಳಿಸಿದ್ದಾರೆ. ಹಾಗಿದ್ದರೂ ವೆರಿಯಂಟ್ ಆಧಾರಿಸಿ ಬೆಲೆ ಏರಿಕೆ ನಿರ್ಣಯವಾಗಲಿದೆ. ಪ್ರಸ್ತುತ ಹೊಸ ದರ ನೀತಿಯು ಅಕ್ಟೋಬರ್ ಮೊದಲ ವಾರದಿಂದಲೇ ಚಾಲ್ತಿಗೆ ಬರಲಿದೆ ಎಂದು ಕಂಪನಿ ತಿಳಿಸಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಪ್ರಸಕ್ತ ತಿಂಗಳಲ್ಲೇ ರು. 20,000 ವರೆಗೆ ದರ ಏರಿಕೆಗೊಳಿಸುವುದಾಗಿ ಹ್ಯುಂಡೈ ಹಾಗೂ ಜನರಲ್ ಮೋಟಾರ್ಸ್ ಘೋಷಿಸಿತ್ತು. ಇದರ ಬೆನ್ನಲ್ಲೇ ಮಾರುತಿ ಕೂಡಾ ದರ ಏರಿಕೆ ನೀತಿ ಅನುಸರಿಸಿದೆ. ಅಷ್ಟೇ ಅಲ್ಲದೆ ಟೊಯೊಟಾ ಕಿರ್ಲೊಸ್ಕರ್ ಕಂಪನಿಯು ಸಹ ರು. 25,000 ವರೆಗೆ ದರ ಹೆಚ್ಚಳಗೊಳಿಸಿತ್ತು.

ಈ ನಡುವೆ ದೇಶದ ಅತಿದೊಡ್ಡ ವಾಹನ ತಯಾರಕ ಸಂಸ್ಥೆಯಾಗಿರುವ ಟಾಟಾ ಮೋಟಾರ್ಸ್ ಶೇಕಡಾ 1ರಿಂದ 1.5ರ ವರೆಗೆ ದರ ಹೆಚ್ಚಳಗೊಳಿಸಲು ಯೋಜನೆ ಹಾಕಿಕೊಂಡಿದೆ. ಪೆಟ್ರೋಲ್ ಹಾಗೂ ಡೀಸೆಲ್ ಮಾದರಿ ಆಧಾರದಲ್ಲಿ ಬೆಲೆ ಏರಿಕೆ ನಿರ್ಣಯವಾಗಲಿದೆ.