ಮಾರುತಿ ಗೇರ್ ಚೇಂಜ್; ಬೆಲೆಯೇರಿಕೆ ಬಿಸಿ

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ನಾಳೆಯಿಂದಲೇ (ಬುಧವಾರ) ಪರಿಷ್ಕೃತ ದರ ಜಾರಿಗೆ ಬರಲಿದೆ. ರುಪಾಯಿ ದರ ಏರಿಳಿತವು ಪ್ರತಿಕೂಲವಾಗಿ ಬಾಧಿಸುವುದರ ಹಿನ್ನಲೆಯಲ್ಲಿ ಇದನ್ನು ನಿಯಂತ್ರಿಸಲು ಕಾರು ದರಗಳಲ್ಲಿ 20 ಸಾವಿರ ರುಪಾಯಿಗಳ ವರೆಗೆ ವರ್ಧನೆ ಕಂಡುಬರಲಿದೆ.

ಈ ಬಗ್ಗೆ ವಿವರಣೆ ನೀಡಿರುವ ಮಾರುತಿ ಸುಜುಕಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (ಮಾರ್ಕೆಟಿಂಗ್ & ಸೇಲ್ಸ್) ಮಾಯಾಂಕ್ ಪರೀಕ್, ನಾಳೆಯಿಂದಲೇ ಪರಿಷ್ಕೃತ ದರ ಏರಿಕೆ ಜಾರಿಗೆ ಬರಲಿದೆ ಎಂದಿದ್ದಾರೆ.

ಕಳೆದ ತಿಂಗಳಷ್ಟೇ ಮಾರುತಿ ಸುಜುಕಿ ಕಾರು ದರಗಳನ್ನು ಶೇಕಡಾ 1-3ರಷ್ಟು ಏರಿಕೆಗೊಳಿಸುವುದಾಗಿ ದೇಶದ ನಂ.1 ಕಾರು ತಯಾರಕ ಸಂಸ್ಥೆಯಾದ ಮಾರುತಿ ಸುಜುಕಿ ಘೋಷಿಸಿತ್ತು. ಈ ಒತ್ತಡದ ಪರಿಸ್ಥಿತಿಯಲ್ಲಿ ದರ ಏರಿಕೆ ಅನಿವಾರ್ಯ ಎಂದು ಸಹ ಕಂಪನಿ ಪ್ರತಿಪಾದಿಸಿದೆ.

ದೇಶದ ಮಾರುಕಟ್ಟೆಯಲ್ಲಿ ಅಗ್ಗದ ಎಂ800 (2.09 ಲಕ್ಷ ರು.) ಕಾರಿನಿಂದ ಹಿಡಿದು ಆಮದು ಮಾಡಿರುವ ದುಬಾರಿ ಕಿಜಾಶಿ (17.52 ಲಕ್ಷ ರು.) ವರೆಗಿನ ಮಾಡೆಲ್‌ಗಳ ದರಗಳಲ್ಲಿ ಏರಿಕೆ ಕಂಡುಬರಲಿದೆ.

ಪ್ರಸಕ್ತ ಆರ್ಥಿಕ ಸಾಲಿನ ಎರಡನೇ ತ್ರೈಮಾಸಿಕ ಅವಧಿಯಲ್ಲಿ ಮಾರುತಿ ಸುಜುಕಿ ಶೇಕಡಾ 5.41ರಷ್ಟು ಕುಸಿತ ಕಂಡು ಒಟ್ಟು ನಿವ್ವಳ ಲಾಭಾಂಶ 227.45 ಕೋಟಿ ರುಪಾಯಿಗಳಿಗೆ ತಲುಪಿತ್ತು.