ಖಾಸಗಿ ಬಸ್ ಪ್ರಯಾಣ ದರ ಏರಿಕೆ; ಕನಿಷ್ಠ ದರ ರು. 7

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಖಾಸಗಿ ವೇಗದೂತ ಹಾಗೂ ನಗರ ಸಾರಿಗೆ (ಸಿಟಿ) ಬಸ್ಸುಗಳಲ್ಲಿ ಏಕರೂಪದಲ್ಲಿ ಪ್ರಯಾಣ ದರದಲ್ಲಿ ಹೆಚ್ಚಳ ಕಂಡುಬಂದಿದೆ. ಇದರನ್ವಯ ಮಂಗಳೂರಿನಿಂದ ಉಡುಪಿಗೆ 50 ರುಪಾಯಿ ಇದ್ದ ದರ ಇನ್ನು ಮುಂದೆ 55 ರುಪಾಯಿ ಏರಿಕೆಯಾಗಲಿದೆ ಎಂದು ಬಸ್ ಮಾಲಕರ ಸಂಘ ತಿಳಿಸಿದೆ. ಹಾಗೆಯೇ ಉಡುಪಿಯಿಂದ ಕುಂದಾಪುರಕ್ಕೆ ಪ್ರಸ್ತುತ ದರ 34 ರು.ಗಳಿಂದ 38 ರು.ಗಳಿಗೆ ಏರಿಕೆ ಕಂಡುಬರಲಿದೆ.

ಪ್ರಸ್ತುತ ಶೇಕಡಾ 10ರಿಂದ ಶೇ. 15ರಷ್ಟು ದರ ಏರಿಕೆ ಮಾಡಲಾಗಿದೆ. ಕೇಂದ್ರ ಸರಕಾರದ ನೀತಿಯಂತೆ ಡೀಸೆಲ್ ದರಗಳಲ್ಲಿ ಪ್ರತಿ ತಿಂಗಳು ವರ್ಧನೆ ಕಂಡುಬರುತ್ತಿದೆ. ಇದರಿಂದ ಬಸ್ಸು ಪ್ರಯಾಣ ದರ ಏರಿಸುವುದು ಅನಿವಾರ್ಯವಾಗಿದೆ. ಹಾಗಿದ್ದರೂ ಕರ್ನಾಟಕ ಸರಕಾರ ಆದೇಶದಂತೆ ಕನಿಷ್ಠ ಪ್ರಮಾಣದಲ್ಲಿ ದರ ಏರಿಕೆಗೊಳಿಸಲಾಗುತ್ತಿದೆ ಎಂದು ಬಸ್ ಮಾಲಕರ ಸಂಘ ಸ್ಪಷ್ಟನೆ ನೀಡಿದೆ.

ಈ ನಡುವೆ ವಿದ್ಯಾರ್ಥಿಗಳಿಗೆ ನೀಡುತ್ತಿದ್ದ ಶೇ. 50 ರಿಯಾಯಿತಿ ದರ ಮುಂದವರಿಸಲು ನಿರ್ಧರಿಸಲಾಗಿದೆ. ಹಾಗೆಯೇ ಮುಂಗಡವಾಗಿ ಹಣ ಪಾವತಿಸಿ ಉಚಿತವಾಗಿ ಪ್ರಯಾಣಿಸುವ ಆರ್‌ಎಫ್‌ಐಡಿ ಸೌಲಭ್ಯವನ್ನು ಮುಂದುವರಿಸಿದೆ. ಹೊಸ ದರ ನೀತಿಯು ರಾಜ್ಯದಲ್ಲಿ ಸಂಚರಿಸುತ್ತಿರುವ 8,000 ಖಾಸಗಿ ಬಸ್ಸುಗಳಿಗೆ ಅನ್ವಯವಾಗಲಿದೆ.