ಹೊಸ ರೂಪದಲ್ಲಿ ಮಹೀಂದ್ರ ಕ್ಸೈಲೋ ಬಿಡುಗಡೆ; ವಿವರ ಇಲ್ಲಿದೆ

By Nagaraja

Published: Wednesday, September 24, 2014, 10:55 [IST]

ದೇಶದ ಮುಂಚೂಣಿಯ ಉಪಯುಕ್ತ ವಾಹನ ತಯಾರಕ ಸಂಸ್ಥೆಯಾಗಿರುವ ಮಹೀಂದ್ರ ಆಂಡ್ ಮಹೀಂದ್ರ ಸಂಸ್ಥೆಯು ಹೊಸ ರೂಪದ ಕ್ಸೈಲೋ ಮಾದರಿಯನ್ನು ಬಿಡುಗಡೆ ಮಾಡಿದೆ. ಇದರ ಮುಂಬೈ ಎಕ್ಸ್ ಶೋ ರೂಂ ಬೆಲೆ 7.24 ಲಕ್ಷ ರು.ಗಳಾಗಿರಲಿದೆ.

ಈ ಬಹು ಬಳಕೆಯ ವಾಹನದಲ್ಲಿ ಕಾಸ್ಮೆಟಿಕ್ ಬದಲಾವಣೆ ಮಾತ್ರವಲ್ಲದೆ ಎಂಜಿನ್ ಮಾನದಂಡಗಳಲ್ಲೂ ಕೆಲವೊಂದು ಬದಲಾವಣೆ ತರಲಾಗಿದೆ. ಇದು ಅತ್ಯುತ್ತಮ ಚಾಲನಾ ಅನುಭವ ನೀಡಲು ನೆರವಾಗಲಿದೆ.

ನೀವು ಚಿತ್ರದಲ್ಲಿ ನೋಡುತ್ತಿರುವಂತೆಯೇ ಮುಂದುಗಡೆ ಬೊನೆಟ್ ಸಮೀಪದಲ್ಲೇ ಕ್ರೋಮ್ ರೇಖೆ ಓಡಾಡುತ್ತಿದೆ. ರೂಫ್ ರೈಲ್ ಕೂಡಾ ಹೊಸದಾಗಿದ್ದು, ಬದಿಯಲ್ಲಿ ಡಿಕಾಲ್ಸ್ ಸ್ಪರ್ಶ ಕೊಡಲಾಗಿದೆ.

ಹಿಂದುಗಡೆ ಹೊಸ ಅಲಾಯ್ ಪಡೆದುಕೊಂಡಿದ್ದು, ಇದಕ್ಕೂ ಕ್ರೋಮ್ ಟಚ್ ನೀಡಲಾಗಿದೆ. ಹಿಂದುಗಡೆಯ ಲ್ಯಾಂಪ್‌ನಲ್ಲೂ ಬದಲಾವಣೆ ತರಲಾಗಿದೆ.

ಹೊರಗಡೆ ಮಾತ್ರವಲ್ಲದೆ ಒಳಗಡೆಯೂ ಹೆಚ್ಚಿನ ಬದಲಾವಣೆ ತರಲಾಗಿದೆ. ಹೊಸತಾಗಿ ಕಂಗೊಳಿಸುವ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, 2 ಡಿನ್ ಆಡಿಯೋ ಸಿಸ್ಟಂ ಮತ್ತು ಬ್ಲೂಟೂತ್ ಆಳವಡಿಸಲಾಗಿದೆ.

ಮಹೀಂದ್ರ ಸಂಸ್ಥೆಯ ಪ್ರಕಾರ ಹೆಚ್ಚು ಆರಾಮದಾಯಕ ಪ್ರಯಾಣ ಖಾತ್ರಿಪಡಿಸುವ ನಿಟ್ಟಿನಲ್ಲಿ ಸಸ್ಪೆಷನ್‌ನಲ್ಲಿ ಕೆಲವೊಂದು ಬದಲಾವಣೆಗಳನ್ನು ತರಲಾಗಿದೆ.

ಇದು ಹಳೆಯ ಮಾದರಿಯಲ್ಲಿರುವ ಎಂಜಿನ್ ಹೊಂದಿರಲಿದ್ದು, 2.5 ಟರ್ಬೊಡೀಸೆಲ್ ಎಂಜಿನ್ 95 ಪಿಎಸ್ (218 ಎನ್‌ಎಂ ಟಾರ್ಕ್) ಪವರ್ ಮತ್ತು ಬಿಎಸ್‌4 ಟರ್ಬೊ ಡೀಸೆಲ್ ಎಂಜಿನ್ (120ಪಿಎಸ್, 280ಎನ್‌ಎಂ ಟಾರ್ಕ್) ಹೊಂದಿರಲಿದೆ.

ಎರಡು ಎಂಜಿನ್‌ನಗಳು ಫೈವ್ ಸ್ಪೀಡ್ ಗೇರ್‌ಬಾಕ್ಸ್‌ನಿಂದ ಕೂಡಿರಲಿದೆ. ವಿಶೇಷವೆಂದರೆ ಮುಂಬರುವ ಸ್ಕಾರ್ಪಿಯೊ ಫೇಸ್‌ಲಿಫ್ಟ್‌ನಲ್ಲೂ ಇದಕ್ಕೆ ಸಮಾನವಾದ 120 ಪಿಎಸ್ ಎಂಜಿನ್ ಬಳಕೆಯಾಗಲಿದೆ.