ಯಾತ್ರಿಕರಿಗೆ ಬಂಪರ್; 500 ರು.ಗೆ ಬೆಂಗ್ಳೂರು-ಕೊಚ್ಚಿ ವಿಮಾನಯಾನ

By Nagaraja

Updated: Tuesday, June 17, 2014, 11:56 [IST]

ದೇಶೀಯ ವಿಮಾನಯಾನ ಆರಂಭಿಸಿದ ಕೇವಲ ನಾಲ್ಕು ದಿನಗಳೊಳಗೆ ಯಾತ್ರಿಕರಿಗೆ ಬಂಪರ್ ಕೊಡುಗೆ ನೀಡಿರುವ ಏರ್‌ಏಷ್ಯಾ ಇಂಡಿಯಾ ವ್ಯೋಮಯಾನ ಸಂಸ್ಥೆಯು, ಕೇವಲ 500 ರು.ಗಳಿಗೆ ಬೆಂಗಳೂರಿನಿಂದ ಕೊಚ್ಚಿ ವಿಮಾನಯಾನ ಸೇವೆ ಒದಗಿಸಲು ಮುಂದಾಗಿದೆ.

ಬೆಂಗಳೂರಿನಿಂದ ಕೊಚ್ಚಿ ಸಾಮಾನ್ಯ ಬಸ್ ದರ 1000 ರು.ಗಳಷ್ಟು ದುಬಾರಿಯಾಗಿರುವಾಗ ಏರ್‌ಏಷ್ಯಾ 500 ರು.ಗಳಿಗೆ ಸೇವೆ ಒದಗಿಸುವ ಮೂಲಕ ನಿಜಕ್ಕೂ ಅಚ್ಚರಿ ಮೂಡಿಸಿದೆ.

ಯಾತ್ರಿಕರಿಗೆ ಬಂಪರ್; 500 ರು.ಗೆ ಬೆಂಗ್ಳೂರು-ಕೊಚ್ಚಿ ವಿಮಾನಯಾನ

ಬೆಂಗಳೂರು-ಕೊಚ್ಚಿ ಪಯಣ ಜುಲೈ 20ರಿಂದ ಆರಂಭವಾಗಲಿದ್ದು, ಸೀಮಿತ ಅವಧಿಯ ವರೆಗೆ ಮಾತ್ರ ಈ ಆಫರ್ ಜಾರಿಯಲ್ಲಿರಲಿದೆ. ಯಾತ್ರಿಕರು ಏರ್ ಏಷಿಯಾ ವೆಬ್‌ಸೈಟ್‌ಗೆ ತೆರಳಿ ಜೂನ್ 16ರಿಂದ 22ರ ನಡುವೆ ಬುಕ್ಕಿಂಗ್ ಮಾಡಬಹುದಾಗಿದೆ. ಈ ವಿಮಾನಯಾನ ಸೇವೆಯು ಜುಲೈ 20ರಿಂದ ಅಕ್ಟೋಬರ್ 25ರ ವರೆಗೆ ಮುಂದುವರಿಯಲಿದೆ. ಹಾಗೆಯೇ ಸೀಮಿತ 2000 ಸೀಟುಗಳು ಮಾತ್ರ ಲಭ್ಯವಿರಲಿದೆ.