ಸಾಮಾನ್ಯ ಬಿಎಂಡಬ್ಲ್ಯು ಕಾರುಗಳಲ್ಲೂ ಕಾರ್ಬನ್ ಫೈಬರ್ ಬಳಕೆ

ಇತ್ತೀಚೆಗಷ್ಟೇ ರಾಷ್ಟ್ರ ರಾಜಧಾನಿಯಲ್ಲಿ ನಡೆದ 2014 ಆಟೋ ಎಕ್ಸ್ ಪೋದಲ್ಲಿ ಬಿಎಂಡಬ್ಲ್ಯು ಐ8 ಹೈಬ್ರಿಡ್ ಸ್ಪೋರ್ಟ್ಸ್ ಕಾರನ್ನು, ಕ್ರಿಕೆಟ್‌ನ ಜೀವಂತ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅನಾವರಣಗೊಳಿಸಿದರು.

ನಿಮ್ಮ ಮಾಹಿತಿಗಾಗಿ, ಬಿಎಂಡಬ್ಲ್ಯು ಐ8 ಹಾಗೂ ಐ3 ಮಾದರಿಗಳು ಪರಿಸರ ಸ್ನೇಹಿಯಾಗಿದೆ. ಇದರ ಭಾರ ಕಡಿತಗೊಳಿಸುವ ನಿಟ್ಟಿನಲ್ಲಿ ಕಾರ್ಬನ್ ಫೈಬರ್ ಹಾಗೂ ಬಲವರ್ಧಿತ ಪ್ಲಾಸ್ಟಿಕ್ ಸಾಧನಗಳನ್ನು ಬಳಕೆ ಮಾಡಲಾಗಿತ್ತು.

ಪ್ರಸ್ತುತ ಬಂದಿರುವ ವರದಿಗಳ ಪ್ರಕಾರ ಐ8, ಐ3 ಹೊರತಾದ ಸಾಮಾನ್ಯ ಬಿಎಂಡಬ್ಲ್ಯು ಆವೃತ್ತಿಗಳಲ್ಲೂ ಕಾರ್ಬನ್ ಫೈಬರ್ ಹಾಗೂ ಬಲವರ್ಧಿತ ಪ್ಲಾಸ್ಟಿಕ್ ವಸ್ತುಗಳನ್ನು ಬಳಕೆ ಮಾಡಲು ಜರ್ಮನಿ ಮೂಲದ ಈ ವಾಹನ ತಯಾರಕ ಸಂಸ್ಥೆ ನಿರ್ಧರಿಸಿದೆ. ಈ ಸೌಲಭ್ಯವನ್ನು ಬಿಎಂಡಬ್ಲ್ಯು 7 ಸಿರೀಸ್ ಪಡೆದುಕೊಳ್ಳಲಿದೆ. ಇದರಲ್ಲೂ ಹೈಬ್ರಿಡ್ ಮೋಟಾರು ಆಳವಡಿಕೆಯಾಗಲಿದೆಯೆಂಬ ಮಾಹಿತಿ ಲಭಿಸಿದೆ.