ಮುಂಬೈನಲ್ಲಿ ತಲೆಯೆತ್ತಿದ ದೇಶದ ಪ್ರಪ್ರಥಮ ಡಬಲ್ ಡೆಕ್ಕರ್ ಫ್ಲೈಓವರ್

ನೂತನ ಮೇಲ್ಸುತುವೆಯೊಂದಿಗೆ ವೆಸ್ಟರ್ನ್ ಎಕ್ಸ್‌ಪ್ರೆಸ್ ಹೈವೇ (WEH) ಮತ್ತು ಈಸ್ಟರ್ನ್ ಎಕ್ಸ್‌ಪ್ರೆಸ್ ಹೈವೇ (EEH) ನಡುವಣ ಸಂಪರ್ಕ ಇನ್ನಷ್ಟು ಸುಲಲಿತವಾಗಲಿದೆ.

ಈ ಆರು ಲೇನ್‌ಗಳ ರಸ್ತೆ ಯೋಜನೆಯನ್ನು ಮುಂಬೈ ನಗರ ಸಾರಿಗೆ ಪ್ರೊಜೆಕ್ಟ್ (ಎಂಯುಟಿವಿ) ಹಾಗೂ ವಿಶ್ವ ಬ್ಯಾಂಡ್ ನಿಧಿ ಸಂಯುಕ್ತವಾಗಿ ಯೋಜನೆ ರೂಪಿಸಿದೆ.

ಸಂಟಾ ಕ್ರೂಜ್-ಚೆಂಬೂರ್ ಲಿಂಕ್ ರೋಡ್ 1.8 ಕೀ.ಮೀ. ಉದ್ದದ ಡಬಲ್ ಡೆಕ್ಕರ್ ಫ್ಲೈಓವರ್ ಹೊಂದಿದೆ. ಹಾಗಿದ್ದರೂ ಚುನಾವಣಾ ಆಯೋಗದ ಲೋಕಸಭಾ ಚುನಾವಣಾ ನೀತಿ ಸಂಹಿತೆ ಜಾರಿಯಲ್ಲಿರುವುದರಿಂತ ಉದ್ಘಾಟನಾ ಸಮಾರಂಭವನ್ನು ಬಹಳ ಸರಳವಾಗಿ ಹಮ್ಮಿಕೊಳ್ಳಲಾಗಿತ್ತು.

ಪ್ರಸ್ತುತ ಈ ಲಿಂಕ್‌ ರೋಡ್‌ನಲ್ಲಿ ಹೆಚ್ಚಿನ ವಾಹನ ದಟ್ಟಣೆ ಕಂಡುಬಂದಿಲ್ಲ. ಕೆಲವರ ಪ್ರಕಾರ ಉದ್ಘಾಟನಾ ದಿನವಷ್ಟೇ, ಸಾರ್ವಜನಿಕರಿಗೆ ತೆರೆದುಕೊಂಡಿರುವ ವಿಚಾರ ಮನಗಂಡಿದ್ದಾರೆ. ಪ್ರಸ್ತುತ ದಿನವೊಂದರಲ್ಲಿ ಎರಡು ಲಕ್ಷಗಳಷ್ಟು ವಾಹನಗಳು ಸಂಚರಿಸುವ ನಿರೀಕ್ಷೆ ಹೊಂದಲಾಗಿದೆ.

ಅಂದ ಹಾಗೆ ಸಂಟಾ ಕ್ರೂಜ್-ಚೆಂಬೂರ್ ಲಿಂಕ್ ರೋಡ್ ಯೋಜನೆಯನ್ನು 2006ರಲ್ಲಿ ಪ್ರಾರಂಭಿಸಲಾಗಿತ್ತು. ಇದೀಗ 12 ಡೆಡ್‌ಲೈನ್‌ಗಳ ಬಳಿಕ ಕೊನೆಗೂ ಮಾರ್ಚ್ 31ರಂದು ಕಾಮಗಾರಿ ಪೂರ್ಣಗೊಂಡಿದೆ. ಭೂಮಿ ಕೈವಶ ಮಾಡುವುದು ಹಾಗೂ ರೈಲ್ವೇ ವಿಭಾಗದಿಂದ ಅನುಮತಿ ಲಭಿಸಲು ವಿಳಂಬವಾಗಿರುವುದರಿಂದ ಕಾಮಗಾರಿ ತಡವಾಗಿತ್ತು.