ಡೀಸೆಲ್ ಬೆಲ್ ಮತ್ತೆ ತುಟ್ಟಿ; ಲೀಟರ್‌ಗೆ 1.09 ರು. ಏರಿಕೆ

ಲೋಕಸಭಾ ಚುನಾವಣೆಗೆ ತೆರೆ ಬಿದ್ದಿರುವ ಬೆನ್ನಲ್ಲೇ ಕೇಂದ್ರ ಸರಕಾರ ಜನ ಸಾಮಾನ್ಯರಿಗೆ ತನ್ನ ಅಂತಿಮ ಚಾಟಿಯೇಟು ಬೀಸಿದ್ದು, ಡೀಸೆಲ್ ಬೆಲೆ ಲೀಟರ್‌ಗೆ 1.09 ರುಪಾಯಿ (ತೆರಿಗೆ ಹೊರತುಪಡಿಸಿ) ಹೆಚ್ಚಳಗೊಳಿಸಿದೆ.

ಹೊಸ ದರ ಸೋಮವಾರ ಮಧ್ಯರಾತ್ರಿಯಿಂದಲೇ ಜಾರಿಗೆ ಬಂದಿದೆ. ಚುನಾವಣಾ ಹಿನ್ನಲೆಯಲ್ಲಿ ನೀತಿ ಸಂಹಿತೆ ಜಾರಿಯಲ್ಲಿರುವುದರಿಂದ ಎರಡು ತಿಂಗಳುಗಳ ಕಾಲ ಡೀಸೆಲ್ ಬೆಲೆ ಏರಿಕೆಗೊಂಡಿರಲಿಲ್ಲ.

ಈ ಹಿಂದೆ 2013ರಲ್ಲಿ ಕೈಗೊಂಡ ಕೇಂದ್ರ ಸಂಪುಟ ನಿರ್ಧಾರದ ಪ್ರಕಾರ ಪ್ರತಿ ತಿಂಗಳು 50 ಪೈಸೆಯಷ್ಟು ಡೀಸೆಲ್ ದರ ಏರಿಕೆಗೊಳಿಸಲು ನಿರ್ಣಯ ಕೈಗೊಳ್ಳಲಾಗಿತ್ತು.