ಫೋರ್ಡ್ ಕ್ಲಾಸಿಕ್ ಸೆಡಾನ್ ಕಾರಿನ ಬೆಲೆ ಇಳಿಕೆ

ಅಮೆರಿಕ ಮೂಲದ ಸಂಸ್ಥೆಯಾಗಿರುವ ಫೋರ್ಡ್, ಭಾರತದಲ್ಲಿ ತನ್ನ ಕ್ಲಾಸಿಕ್ ಸೆಡಾನ್ ಕಾರಿನ ದರವನ್ನು ಕಡಿತಗೊಳಿಸಿದೆ. ಹೊಸ ದರ ನೀತಿಯಂತೆ ಫೋರ್ಡ್ ಕ್ಲಾಸಿಕ್ ದೆಹಲಿ ಪ್ರಾರಂಭಿಕ (ತೆರಿಗೆ ಹೊರತುಪಡಿಸಿ) ದರ 4.88 ಲಕ್ಷ ರು.ಗಳಾಗಿರಲಿದೆ.

ಅಂದರೆ ಸಬ್ 4 ಮೀಟರ್ ಕಾಂಪಾಕ್ಟ್ ಸೆಡಾನ್ ರೇಂಜ್‌ನಲ್ಲಿಯೇ ಫೋರ್ಡ್ ಕ್ಲಾಸಿಕ್ ಮಾರಾಟವಾಗಲಿದೆ. ಈ ಮೂಲಕ ಹೆಚ್ಚಿನ ಸಂಖ್ಯೆಯ ಗ್ರಾಹಕರನ್ನು ಆಕರ್ಷಿಸುವ ಇರಾದೆಯನ್ನು ಫೋರ್ಡ್ ಹೊಂದಿದೆ.

ಇದರಲ್ಲಿ ಎರಡು ಎಂಜಿನ್ ಆಯ್ಕೆಗಳಿರಲಿದೆ. 1.6 ಲೀಟರ್, 4 ಸಿಲಿಂಡರ್ ಡ್ಯುರಟೆಕ್ ಪೆಟ್ರೋಲ್ (101 ಅಶ್ವಶಕ್ತಿ, 146 ಎನ್‌ಎಂ ಟಾರ್ಕ್) ಹಾಗೂ 1.4 ಲೀಟರ್ 4 ಸಿಲಿಂಡರ್ ಡ್ಯುರಟೆಕ್ ಡೀಸೆಲ್ ಎಂಜಿನ್ (68 ಅಶ್ವಶಕ್ತಿ, 160 ಎನ್‌ಎಂ ಟಾರ್ಕ್) ಇರಲಿದೆ. ಹಾಗೆಯೇ 5 ಸ್ಪೀಡನ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಇರಲಿದೆ.

ಭಾರತ ವಾಹನ ಅಧ್ಯಯನ ಸಂಸ್ಥೆಯ ಮಾನ್ಯತೆಯ ಪ್ರಕಾರ ಫೋರ್ಡ್ ಕ್ಲಾಸಿಕ್ ಪೆಟ್ರೋಲ್ ಹಾಗೂ ಡೀಸೆಲ್ ವೆರಿಯಂಟ್‌ಗಳು ಅನುಕ್ರಮವಾಗಿ ಪ್ರತಿ ಲೀಟರ್‌ಗೆ 14.09 ಹಾಗೂ 19.68 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ.

ದರ ಮಾಹಿತಿ (ಎಕ್ಸ್ ಶೋ ರೂಂ ದೆಹಲಿ)
ಕ್ಲಾಸಿಕ್ 1.6 ಡ್ಯುರಟೆಕ್ ಎಲ್‌ಎಕ್ಸ್‌ಐ - ರು. 4,88,016
ಕ್ಲಾಸಿಕ್ 1.6 ಡ್ಯುರಟೆಕ್ ಸಿಎಲ್‌ಎಕ್ಸ್‌ಐ - ರು. 5,56,827
ಕ್ಲಾಸಿಕ್ 1.6 ಡ್ಯುರಟೆಕ್ ಟೈಟಾನಿಯಂ - ರು. 6,34,913
ಕ್ಲಾಸಿಕ್ 1.4 ಟಿಡಿಸಿಐ ಎಲ್‌ಎಕ್ಸ್‌ಐ - ರು. 6,18,917
ಕ್ಲಾಸಿಕ್ 1.4 ಟಿಡಿಸಿಐ ಸಿಎಲ್‌ಎಕ್ಸ್‌ಐ - ರು. 6,65,298
ಕ್ಲಾಸಿಕ್ 1.4 ಟಿಡಿಸಿಐ ಟೈಟಾನಿಯಂ - ರು. 7,34,944