ಫೋರ್ಡ್ ಮಾರ್ಚ್ ತಿಂಗಳ ಮಾರಾಟ ವೃದ್ಧಿ

ಅಮೆರಿಕ ಮೂಲದ ಫೋರ್ಡ್ ಸಂಸ್ಥೆಯು, ಮಾರ್ಚ್ ತಿಂಗಳ ದೇಶಿಯ ವಹಿವಾಟಿನಲ್ಲಿ ಶೇಕಡಾ 21ರಷ್ಟು ಏರಿಕೆ ದಾಖಲಿಸಿದೆ. 2014 ಮಾರ್ಚ್ ತಿಂಗಳ ಅವಧಿಯಲ್ಲಿ ಫೋರ್ಡ್ ಸಂಸ್ತೆಯು ಒಟ್ಟು 6,356 ವಾಹನಗಳನ್ನು ದೇಶದಲ್ಲಿ ಮಾರಾಟ ಮಾಡಿವೆ.

ಇದೇ ಸಂದರ್ಭದಲ್ಲಿ ಸಂಸ್ಥೆಯು 5,449 ವಾಹನಗಳನ್ನು ರಫ್ತು ಮಾಡಿವೆ. ಈ ಮೂಲಕ ಒಟ್ಟಾರೆಯಾಗಿ 11,805 ಯುನಿಟ್ ಮಾರಾಟ ಮಾಡುವಲ್ಲಿ ಯಶಸ್ವಿಯಾಗಿದೆ. ಕಳೆದ ಬಾರಿಯಿದು 7,499 ಯುನಿಟ್‌ಗಳಾಗಿದ್ದವು. ಅಂದರೆ ರಫ್ತು ಹಾಗೂ ದೇಶಿಯ ಒಟ್ಟಾರೆ ಮಾರಾಟದಲ್ಲಿ ಶೇಕಡಾ 57ರಷ್ಟು ವೃದ್ಧಿ ದಾಖಲಿಸಿದೆ.

ಇದೇ ಸಂದರ್ಭದಲ್ಲಿ ಮಧ್ಯಂತರ ಕೇಂದ್ರ ಬಜೆಟ್‌ನಲ್ಲಿ ಅಬಕಾರಿ ಶುಲ್ಕ ಕಡಿತಗೊಳಿಸಿರುವುದು ಸಹ ಶುಭಕರವಾಗಿ ಪರಿಣಮಿಸಿದೆ ಎಂದು ಫೋರ್ಡ್ ತಿಳಿಸಿದೆ. ಈ ನಡುವೆ ವಾಹನೋದ್ಯಮದಿಂದ 30ರಷ್ಟು ಪ್ರಶಸ್ತಿಗಳನ್ನು ಬಾಚಿಕೊಂಡಿರುವ ಫೋರ್ಡ್ ಕಾಂಪಾಕ್ಟ್ ಎಸ್‌ಯುವಿ ಇಕೊಸ್ಪೋರ್ಟ್ ಮಾರುಕಟ್ಟೆಯಲ್ಲಿ ಬೇಡಿಕೆ ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ಇಂದಿನ ಫೇಸ್‌ಬುಕ್ ವೀಡಿಯೋ ನೋಡಲು ಮರೆಯದಿರಿ