ಫ್ರಾನ್ಸ್‌ನಲ್ಲಿ ಡೀಸೆಲ್ ಗಾಡಿಗಳಿಗೆ ನಿಷೇಧ?

ಮಹತ್ವದ ಬೆಳವಣಿಗೆಯೊಂದರಲ್ಲಿ ಡೀಸೆಲ್ ವಾಹನಗಳನ್ನು ಸಂಪೂರ್ಣವಾಗಿ ರದ್ದುಗೊಳಿಸಲು ಫ್ರಾನ್ಸ್ ಯೋಜನೆ ಹಮ್ಮಿಕೊಂಡಿದೆ.

ಪರಿಸರಕ್ಕೆ ಹಾನಿಕಾರಕವಾಗಿ ಪರಿಣಮಿಸಿರುವ ಇಂಧನ ಚಾಲಿತ ವಾಹನಗಳನ್ನು ನಿಧಾನವಾಗಿ ರಸ್ತೆ ಕೆಳಗಿಳಿಸುವುದು ಈ ಯುರೋಪ್ ರಾಷ್ಟ್ರದ ಗುರಿಯಾಗಿದೆ.

ಇದರೊಂದಿಗೆ ನಗರದಲ್ಲಿ ಕಟ್ಟುನಿಟ್ಟಿನ ನಿಯಮ ಜಾರಿಗೆ ಬರಲಿದೆ. ಫ್ರಾನ್ಸ್‌ನಲ್ಲಿ ಶೇ. 80ರಷ್ಟು ಸವಾರರು ಡೀಸೆಲ್ ವಾಹನಗಳನ್ನು ಆಶ್ರಯಿಸಿಕೊಂಡಿರುತ್ತಾರೆ. ಈ ಹಿನ್ನೆಲೆಯಲ್ಲಿ ವಾಯು ಮಾಲಿನ್ಯ ಸಾಧ್ಯವಾದಷ್ಟು ಕಡಿಮೆ ಮಾಡುವ ನಿಟ್ಟಿನಲ್ಲಿ ಕ್ರಮ ಕೈಗೊಳ್ಳಲಾಗುತ್ತಿದೆ.

ಏತನ್ಮಧ್ಯೆ "ಟಿಐಸಿಪಿಇ" ಎಂಬ ಹೊಸ ಅಬಕಾರಿ ತೆರಿಗೆ ಜಾರಿಗೆ ಯೋಜನೆಯನ್ನು ಫ್ರಾನ್ಸ್ ಸರಕಾರ ಹೊರ ತರುತ್ತಿದೆ. ಅಂತೆಯೇ ಎಲೆಕ್ಟ್ರಿಕ್ ವಾಹನಗಳನ್ನು ಹೆಚ್ಚೆಚ್ಚು ಪ್ರೋತ್ಸಾಹಿಸಲಾಗುವುದು.