ಹೊಸ ವರ್ಷದಿಂದ ದುಬಾರಿಯಾಗಲಿದೆ ಷೆವರ್ಲೆ ಕಾರು

ಅಮೆರಿಕ ಮೂಲದ ಜನರಲ್ ಮೋಟಾರ್ಸ್‌ನ ಐಕಾನಿಕ್ ಬ್ರಾಂಡ್ ಆಗಿರುವ ಷೆವರ್ಲೆ ಕಾರುಗಳು ಹೊಸ ವರ್ಷದಿಂದ ದುಬಾರಿಯಾಗಲಿದೆ. ಇದು ಹೊಸ ವರ್ಷದಲ್ಲಿ ವಾಹನ ಖರೀದಿಸುವವರಿಗೆ ಕಹಿ ತುತ್ತಾಗಿ ಪರಿಣಮಿಸುವ ಭೀತಿಯಿದೆ.

ವಾಹನಗಳ ಮೇಲಿನ ಅಬಕಾರಿ ಸುಂಕ ರಿಯಾಯಿತಿಯನ್ನು ಡಿಸೆಂಬರ್ ತಿಂಗಳ ವರೆಗೆ ಕೇಂದ್ರ ಸರಕಾರ ಮುಂದುವರಿಸಿತ್ತು. ಇದೀಗ ತಿಂಗಳಾಂತ್ಯದಲ್ಲಿ ಅಬಕಾರಿ ಸುಂಕ ನೀತಿಯನ್ನು ಸರಕಾರ ನವೀಕರಿಸಲಿದೆಯೇ ಅಥವಾ ಹಳೆಯ ನೀತಿಯನ್ನು ಮುಂದುವರಿಸಿಕೊಂಡು ಹೋಗಲಿದೆಯೇ ಎಂಬುದನ್ನು ಕಾದು ನೋಡಬೇಕಾಗಿದೆ.

ಪ್ರಸ್ತುತ ಅಮೆರಿಕ ಮೂಲದ ಸಂಸ್ಥೆಯು ಭಾರತದಲ್ಲಿ ಎಂಟು ಮಾದರಿಗಳನ್ನು ಮಾರಾಟ ಮಾಡುತ್ತಿದೆ. ಅವುಗಳೆಂದರೆ ಸ್ಪಾರ್ಕ್, ಬೀಟ್, ಸೈಲ್ ಹ್ಯಾಚ್‌ಬ್ಯಾಕ್ ಹಾಗೂ ಸೆಡಾನ್, ಕ್ರೂಜ್ ಸೆಡಾನ್, ಎಂಜಾಯ್ ಮತ್ತು ತವೆರಾ ಎಂಪಿವಿ ಹಾಗೂ ಕಾಪ್ಟಿವಾ ಎಸ್‌ಯುವಿಗಳಾಗಿವೆ.