ಚೀಲಿ ಚಿಲ್ - ಭಾರತದಿಂದ ಷೆವರ್ಲೆ ಬೀಟ್ ರಫ್ತು

ಚೀಲಿಯರು ಚಿಲ್ ಮಾಡುವ ಸಮಯ ಬಂದಿದೆ. ಯಾಕೆಂದರೆ ಅಮೆರಿಕ ಮೂಲದ ಜನರಲ್ ಮೋಟಾರ್ಸ್‌ನ ಜನಪ್ರಿಯ ಕಾರು ಬ್ರಾಂಡ್ ಆಗಿರುವ ಷೆವರ್ಲೆ ಬೀಟ್, ಭಾರತದಿಂದ ಚೀಲಿ ದೇಶಕ್ಕೆ ರಫ್ತಾಗಲಿದೆ.

ಪುಣೆಯಲ್ಲಿ ಸ್ಥಿತಗೊಂಡಿರುವ ತಲೆಗಾಂವ್ ಘಟಕದಲ್ಲಿ ಉತ್ಪಾದನೆಯಾಗಲಿರುವ ಬೀಟ್ ಹ್ಯಾಚ್‌ಬ್ಯಾಕ್ ಕಾರನ್ನು ಚೀಲಿ ದೇಶಕ್ಕೆ ರಫ್ತು ಮಾಡುವುದಾಗಿ ಜನರಲ್ ಮೋಟಾರ್ಸ್ ಅಧಿಕೃತ ಘೋಷಿಸಿದೆ.

ಡೀಸೆಲ್ ಹಾಗೂ ಪೆಟ್ರೋಲ್ ವೆರಿಯಂಟ್‌ಗಳಲ್ಲಿ ಲಭ್ಯವಿರುವ ಷೆವರ್ಲೆ ಬೀಟ್, ಜಗತ್ತಿನಾದ್ಯಂತ ಹಲವಾರು ಮಾರುಕಟ್ಟೆಗಳಲ್ಲಿ ಮಾರಾಟದಲ್ಲಿದೆ. ಇದೀಗ ಭಾರತದಿಂದಲೂ ರಫ್ತು ಪ್ರಕ್ರಿಯೆ ಆರಂಭಿಸುವ ಮೂಲಕ ಹೆಚ್ಚಿನ ಉದ್ಯೋಗ ಸೃಷ್ಟಿಯಾಗಲಿದೆ ಎಂದಿದೆ.