ಹಿಂದೂಸ್ತಾನ್ ನೌಕರರಿಗೆ ತಾತ್ಕಾಲಿಕ ವೇತನ

ಹಿಂದೂಸ್ತಾನ್ ಮೋಟಾರ್ಸ್ ಐಕಾನಿಕ್ ಅಂಬಾಸಿಡರ್ ಉತ್ಪಾದನೆ ಸ್ಥಗಿತಗೊಳಿಸುವುದರೊಂದಿಗೆ 2,500 ನೌಕಕರು ಬಾಳು ಅತಂತ್ರಗೊಂಡಿದೆ. ಈ ನಡುವೆ ಪಶ್ಚಿಮ ಬಂಗಾಳದ ಉತ್ತರಪುರಾ ಘಟಕದಲ್ಲಿ ಕೆಲಸ ಮಾಡುತ್ತಿರುವ ಎಲ್ಲ ನೌಕರರಿಗೆ ಸಂಸ್ಥೆಯು ಮೇ 24ರಂದು ತಾತ್ಕಾಲಿಕ ವೇತನವನ್ನು ನೀಡಿದೆ.

ಸಾಲದಿಂದ ಬಳಲುತ್ತಿರುವ ಹಿಂದೂಸ್ತಾನ್ ಮೋಟಾರ್ಸ್, ಪಶ್ಚಿಮ ಬಂಗಾಳ ಸರಕಾರದೊಂದಿಗೆ ನಡೆಸಿರುವ ಮಾತುಕತೆ ಬಳಿಕ ಇಂತಹದೊಂದು ನಿರ್ಧಾರವನ್ನು ಪ್ರಕಟಿಸಿತ್ತು. 2,500ದಷ್ಟು ನೌಕರರಿಗೆ ಹಿಂದೂಸ್ತಾನ್ ಮೋಟಾರ್ಸ್ 7,000 ವೇತನ ನೀಡಿದೆ. ಈ ಮೂಲಕ ಒಟ್ಟು 1.75 ಕೋಟಿ ರು.ಗಳ ವೇತನ ಪಾವತಿಸಿದೆ. ನಿಧಿ ಸಂಗ್ರಹಿಸಲು ಆಗಿರುವ ತೊಡಕಿನಿಂದಾಗಿ ವೇತನ ನೀಡಲು ವಿಳಂಬವಾಗಿದೆ ಎಂದು ಸಂಸ್ಥೆ ತಿಳಿಸಿದೆ.

ಈ ನಡುವೆ ಸಾಲ ಸಂದಾಯವಾದ ಬಳಿಕ ಸಾಕಷ್ಟು ನಿಧಿ ಸಂಗ್ರಹಣೆಯ ಬಳಿಕ ಉತ್ಪಾದನೆ ಪುನರಾರಂಬಿಸುವ ಬಗ್ಗೆಯೂ ಸಂಸ್ಥೆಯ ಬಳಿ ಯೋಜನೆಯಿದೆ. ಆದರೆ ಅರ್ಹ ಹೂಡಿಕೆದಾರರ ಕೊರತೆಯು ಸಂಸ್ಥೆಯ ಹಿನ್ನಡೆಗೆ ಕಾರಣವಾಗುತ್ತಿದೆ.