ಹೋಂಡಾಗೆ ಒಂದು ಸಾವಿರ ಕಾರ್ಮಿಕರು ಬೇಕಾಗಿದ್ದಾರೆ!

ಜಪಾನ್‌ನ ಮುಂಚೂಣಿಯ ವಾಹನ ತಯಾರಕ ಸಂಸ್ಥೆಯಾಗಿರುವ ಹೋಂಡಾ ಕಾರ್ಸ್ ಇಂಡಿಯಾ ಲಿಮೆಟೆಡ್ (ಎಚ್‌ಸಿಐಎಲ್), ಭಾರತದಲ್ಲಿ 1,000ದಷ್ಟು ಕಾರ್ಮಿಕರ ಹುಡುಕಾಟದಲ್ಲಿದೆ. ಈ ಮೂಲಕ ತನ್ನ ನಿರ್ಮಾಣ ಘಟಕದಲ್ಲಿ ಎರಡನೇ ಸರದಿ ಕೆಲಸ ಆರಂಭಿಸುವುದು ಸಂಸ್ಥೆಯ ಗುರಿಯಾಗಿದೆ.

ಪ್ರಸಕ್ತ ಆರ್ಥಿಕ ಸಾಲಿನೊಳಗೆ ಎಲ್ಲ ನೌಕರರನ್ನು ನೇಮಕಗೊಳಿಸಲಾಗುವುದು. ಹಾಗೆಯೇ 2014 ಹಾಗೂ 2015ರಲ್ಲಿ 2 ಲಕ್ಷಗಳಷ್ಟು ವಾಹನಗಳನ್ನು ಮಾರಾಟ ಮಾಡುವ ಮೂಲಕ ಶೇಕಡಾ 50ರಷ್ಟು ಮಾರಾಟ ವೃದ್ಧಿಸುವ ಯೋಜನೆ ಹೊಂದಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಹೋಂಡಾ ಮಾರ್ಕೆಟಿಂಗ್ ಆಂಡ್ ಸೇಲ್ಸ್ ಹಿರಿಯ ಉಪಾಧ್ಯಕ್ಷ ಜ್ಞಾನೇಶ್ವರ್ ಸೆನ್, ತಪುಕರ ಘಟಕದಲ್ಲಿ ಎರಡನೇ ಸರದಿಯಲ್ಲಿ ವಾಹನಗಳನ್ನು ನಿರ್ಮಿಸುವುದಕ್ಕಾಗಿ 1,000ದಷ್ಟು ನೌಕರರ ಅಗತ್ಯವಿದೆ. ಪ್ರಸಕ್ತ ಸಾಲಿನಲ್ಲೇ ಈ ಗುರಿ ಮುಟ್ಟಲಿದ್ದೇವೆ ಎಂದಿದ್ದಾರೆ.