ವಿವಾದಕ್ಕೀಡಾದ ಹ್ಯುಂಡೈ ಬ್ರೆಜಿಲ್ ಫುಟ್ಬಾಲ್ ವೀಡಿಯೋ

ಇದೀಗಷ್ಟೇ ದಕ್ಷಿಣ ಕೊರಿಯಾ ಮೂಲದ ಹ್ಯುಂಡೈ ವಾಹನ ತಯಾರಕ ಸಂಸ್ಥೆಯು ನೂತನ ಬ್ರೆಜಿಲ್ ಫುಟ್ಬಾಲ್ ಜಾಹೀರಾತುವೊಂದನ್ನು ಬಿಡುಗಡೆಗೊಳಿಸಿತ್ತು. ಪ್ರಸ್ತುತ ವೀಡಿಯೋ ವಿವಾದಕ್ಕೀಡಾಗುತ್ತಿದೆ.

ಹ್ಯುಂಡೈ ತನ್ನ ನೂತನ ಜಾಹೀರಾತಿನಲ್ಲಿ ಬ್ರೆಜಿಲ್ ಆರನೇ ಬಾರಿ ಫುಟ್ಬಾಲ್ ತಂಡ ವಿಶ್ವಕಪ್ ಗೆಲ್ಲಲಿದೆ ಎಂಬುದನ್ನು ಬಿಂಬಿಸುತ್ತಿದೆ. ಹ್ಯುಂಡೈ ತನ್ನ ರೇಂಜ್ ಕಾರುಗಳಿಗೆ ನೀಡುತ್ತಿರುವ ಆರು ವರ್ಷಗಳ ವಾರಂಟಿಯನ್ನು ನಿರೂಪಿಸಲು ಇಂತಹದೊಂದು ವಿನೂತನ ವೀಡಿಯೋ ತಯಾರಿಸಲಾಗಿತ್ತು. ಆದರೆ ಪ್ರಸ್ತುತ ವೀಡಿಯೋ ಬ್ರೆಜಿಲ್ ಫುಟ್ಬಾಲ್ ಫೇಡರೇಷನ್ ಮಾರ್ಗದರ್ಶನಗಳನ್ನು ಉಲ್ಲಂಘಿಸಿರುವ ಹಿನ್ನಲೆಯಲ್ಲಿ ತತ್‌ಕ್ಷಣದಿಂದಲೇ ಸ್ಥಗಿತಗೊಳಿಸುವಂತೆ ಸೂಚಿಸಲಾಗಿದೆ.

ನೈಜವಾಗಿಯೂ ಫೋರ್ಚುಗೀಸ್ ಭಾಷೆಯಲ್ಲಿ ವೀಡಿಯೋ ರಚಿಸಲಾಗಿದ್ದರೂ, ಎಲ್ಲರಿಗೂ ಅರ್ಥವಾಗುವ ರೀತಿಯಲ್ಲಿ ಆಂಗ್ಲ ಭಾಷೆಯಲ್ಲೂ ಮಾಹಿತಿ ಕೊಡಲಾಗಿದೆ. ಅಂದ ಹಾಗೆ ಈ ಬಾರಿಯೂ ಬ್ರೆಜಿಲ್ ವಿಶ್ವಕಪ್ ಗೆದ್ದಲ್ಲಿ ಆರನೇ ಬಾರಿ ಇಂತಹದೊಂದು ಸಾಧನೆ ಮಾಡಿದ ಕೀರ್ತಿಗೆ ಪಾತ್ರವಾಗಲಿದೆ. ಇದರಂತೆ ಸಾಮಾನ್ಯವಾಗಿ ಐದು ವರ್ಷಗಿಂತ ಬದಲಾಗಿ ಆರು ವರ್ಷಗಳ ವಾರಂಟಿ ನೀಡಲು ಹ್ಯುಂಡೈ ಮುಂದಾಗಿದೆ.