ಹ್ಯುಂಡೈ ಇಯಾನ್ 1.0 ಲೀಟರ್ ಎಂಜಿನ್ ಅಧಿಕೃತ ಪ್ರವೇಶ

ಹ್ಯುಂಡೈ ಮೋಟಾರು ಇಂಡಿಯಾ ಲಿಮಿಟೆಡ್ ಸಂಸ್ಥೆಯು, ಇಯಾನ್ 1.0 ಲೀಟರ್ ಕಪ್ಪ (kappa) ಎಂಜಿನ್ ವೆರಿಯಂಟ್ ಅನ್ನು ಅಧಿಕೃತವಾಗಿ ಲಾಂಚ್ ಮಾಡಿದೆ.

ಈ ಮೊದಲೇ ತಿಳಿಸಿರುವಂತೆಯೇ ಹ್ಯುಂಡೈ ಇಯಾನ್ ಇದುವರೆಗೆ 0.8 ಲೀಟರ್ ಎಂಜಿನ್‌ನಲ್ಲಿ ಮಾತ್ರ ಲಭ್ಯವಾಗುತ್ತಿತ್ತು. ಇದೀಗ ಹೊಸತಾದ 1.0 ಲೀಟರ್ ಎಂಜಿನ್ ಸೇರ್ಪಡೆಯಾಗಿದೆ. ಹಾಗಿದ್ದರೂ 0.8 ಲೀಟರ್ ಎಂಜಿನ್ ಐಚ್ಛಿಕವಾಗಿ ಲಭ್ಯವಾಗಲಿದೆ.

ಉತ್ತಮ ನಿರ್ವಹಣೆ ಜತೆಗೆ ಒಳ್ಳೆಯ ನಿರ್ವಹಣೆ ನೀಡಲು 1.0 ಲೀಟರ್ ಕಪ್ಪ ಎಂಜಿನ್‌ಗೆ ಸಾಧ್ಯವಾಗಲಿದೆ ಎಂದು ಸಂಸ್ಥೆ ಅಭಿಪ್ರಾಯಪಟ್ಟಿದೆ. ಅಂದ ಹಾಗೆ ಹ್ಯುಂಡೈನ 1.0 ಲೀಟರ್ ಕಪ್ಪ ಎಂಜಿನ್ ಎಂಬುದು 3 ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಆಗಿರಲಿದ್ದು, 69 ಎನ್‌ಎಂ ಟಾರ್ಕ್ ಉತ್ಪಾದಿಸಲಿದೆ. ಹಾಗೆಯೇ 5 ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಲಭ್ಯವಿರಲಿದೆ. ಇದು ಭಾರತೀಯ ವಾಹನ ಅಧ್ಯಯನ ಸಂಸ್ಥೆಯ ಮಾನ್ಯತೆಯ ಪ್ರಕಾರ ಪ್ರತಿ ಲೀಟರ್‌ಗೆ 20.3 ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ.