ಹ್ಯುಂಡೈ ಐಸಿಸಿ ಫ್ಯಾನ್ ಪಾರ್ಕ್‌‍ನಲ್ಲಿ ವಿಶ್ವಕಪ್ ನೇರ ಪ್ರಸಾರ

2011ನೇ ಸಾಲಿನಿಂದ ಅಂತರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಅಧಿಕೃತ ಪ್ರಾಯೋಜಕತ್ವ ವಹಿಸುತ್ತಿರುವ ಹ್ಯುಂಡೈ ಮೋಟಾರು ಇಂಡಿಯಾ ಸಂಸ್ಥೆಯು, ಅಭಿಮಾನಿಗಳಿಗಾಗಿ ವಿಶೇಷ 'ಹ್ಯುಂಡೈ ಐಸಿಸಿ ಫ್ಯಾನ್ ಪಾರ್ಕ್' ಸಜ್ಜೀಕರಿಸಿದ್ದು, ಟ್ವೆಂಟಿ-20 ವಿಶ್ವಕಪ್ ಪಂದ್ಯಾಟಗಳ ನೇರ ಪ್ರಸಾರ ಮಜಾ ಸವಿಯಬಹುದಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಹ್ಯುಂಡೈ ಐಸಿಸಿ ಫ್ಯಾನ್ ಪಾರ್ಕ್ ದೇಶದ್ಯಾಂತ ಆಯ್ದ ನಗರಗಳಲ್ಲಿ ಸ್ಥಿತಗೊಂಡಿರಲಿದೆ. ಅಂತೆಯೇ ಬೃಹತ್ತಾಕಾರದ ಪರದೆಯಲ್ಲಿ ಮಾರ್ಚ್ 20ರಿಂದ ಎಪ್ರಿಲ್ 06ರ ವರೆಗೆ ನಡೆಯಲಿರುವ ಪಂದ್ಯಾಟಗಳ ನೇರ ಪ್ರಸಾರ ನಡೆಯಲಿದೆ.

ನಮ್ಮ ಬೆಂಗಳೂರಿನ ಫಾರಂ ವಾಲ್ಯೂ ಮಾಲ್‌ನಲ್ಲೂ ಹ್ಯುಂಡೈ ಪ್ರತ್ಯೇಕ ಫ್ಯಾನ್ ಪಾರ್ಕ್ ಸಿದ್ಧಗೊಂಡಿದೆ. ಉಳಿದಂತೆ ದೆಹಲಿ, ಮುಂಬೈ, ಹೈದಾರಾಬಾದ್, ಕೋಲ್ಕತ್ತಾ, ಲಕ್ನೋ, ಅಹಮದಾಬಾದ್ ಹಾಗೂ ಜೈಪುರದಲ್ಲೂ ಹ್ಯುಂಡೈ ಐಸಿಸಿ ಫ್ಯಾನ್ ಪಾರ್ಕ್ ಸ್ಥಿತಗೊಂಡಿದೆ.