ಮುಂಬೈನಲ್ಲಿ ದೇಶದ ಚೊಚ್ಚಲ ಮೊನೊರೈಲು ಸೇವೆ

Updated: Friday, January 31, 2014, 12:51 [IST]

ಮುಂಬೈ ಮಹಾನಗರ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರ (ಎಂಎಂಆರ್‌ಡಿಎ) ಅಧೀನತೆಯಲ್ಲಿರುವ ದೇಶದ ಪ್ರಪ್ರಥಮ ಮೊನೊರೈಲು ಸಂಚಾರ 2014 ಫೆಬ್ರವರಿ 1 ಶನಿವಾರಂದು ಸಂಚಾರ ಆರಂಭಿಸಲಿದೆ.

ಗುರ್ಗಾಂವ್‌ನಲ್ಲಿ ತಲೆಯೆತ್ತಿದ ದೇಶದ ಮೊದಲ ಖಾಸಗಿ ಮೆಟ್ರೋ

ಯೋಜನೆಯ ಮೊದಲನೆಯ ಹಂತವಾಗಿ ಚೆಂಬೂರ್‌ನಿಂದ ವಾಡಾಲಾ ವರೆಗೆ ಪಯಣ ಆರಂಭಿಸಲಿದೆ. ಎರಡನೇ ಹಂತದಲ್ಲಿ ದಕ್ಷಿಣ ಮುಂಬೈನ ಸಂತ್ ಗಾಡ್ಜ್ ಮಹಾರಾಜ್ ಚೌಕ್ ವರೆಗೂ ವಿಸ್ತರಿಸಲಾಗುವುದು.

ಮುಂಬೈನಲ್ಲಿ ದೇಶದ ಚೊಚ್ಚಲ ಮೊನೊರೈಲು ಸಂಚಾರ

ಮುಂಬೈನಲ್ಲೂ ವಿಶ್ವದರ್ಜೆಯ ಸಾರಿಗೆ ವ್ಯವಸ್ಥೆ ಒದಗಿಸುವುದರ ಭಾಗವಾಗಿ ಈ ಬೃಹತ್ ಯೋಜನೆ ಹಮ್ಮಿಕೊಳ್ಳಲಾಗಿದೆ. ಇದು ಹೆಚ್ಚು ಪರಿಸರ ಸ್ನೇಹಿ ಕೂಡಾ ಆಗಿರಲಿದೆ.

ಈ ಮಹತ್ತರ ಯೋಜನೆಯನ್ನು ಲಾರ್ಸೆನ್ ಆಂಡ್ ಟುಬ್ರೊ (ಎಲ್‌ ಆಂಡ್ ಟಿ) ಮತ್ತು ಮಲೇಷ್ಯಾ ಮೂಲಸೌಕರ್ಯ ಸಂಸ್ಥೆ ಸ್ಕಾಮಿ ಎಂಜಿನಿಯರಿಂಗ್ ಕೈಗೆತ್ತಿಕೊಂಡಿತ್ತು. ಇದು ದೇಶದ ಚೊಚ್ಚಲ ಮೊನೊರೈಲು ಸೇವೆಯಾಿಗದೆ.

ನಿಮ್ಮ ಮಾಹಿತಿಗಾಗಿ ಮುಂಬೈ ಮೊನೊರೈಲು ಕಾಮಗಾರಿ 2009ನೇ ಇಸವಿಯ ಜನವರಿಯಲ್ಲಿ ಆರಂಭವಾಗಿತ್ತು. ಇದೀಗ ಐದು ವರ್ಷಗಳ ನಿರಂತರ ಕಾಮಗಾರಿ ಹಾಗೂ ಪರೀಕ್ಷಾರ್ಥ ಚಾಲನೆಗಳ ಬಳಿಕ ಫೆಬ್ರವರಿ 1ರಂದು ಲೋಕಾಪರ್ಣೆಯಾಗಲಿದೆ.

ನಾಲ್ಕು ಕೋಚ್‌ಗಳನ್ನು ಹೊಂದಿರುವ ಮೊನೊರೈಲು ದೈನಂದಿನ ಪಯಣದಲ್ಲಿ ಒಂದು ಲಕ್ಷಕ್ಕೂ ಹೆಚ್ಚು ಪ್ರಯಾಣಿಕರನ್ನು ಹೊತ್ತೊಯ್ಯಲಿದೆ. ಹಾಗೆಯೇ ಪ್ರತಿ 15 ನಿಮಿಷಗಳಲ್ಲಿ 2,300ರಷ್ಟು ಪ್ರಯಾಣಿಕರನ್ನು ಸಾಗಿಸಲಿದೆ.