ಭಾರತಕ್ಕೆ ಜೀಪ್ ಆಗಮನ ಮತ್ತೆ ವಿಳಂಬ

ಯಾಕೋ ಪ್ರತಿಷ್ಠಿತ ಜೀಪ್ ಬ್ರಾಂಡ್ ಭಾರತ ಪ್ರವೇಶಕ್ಕೆ ಸರಿಯಾದ ಸಮಯ ಕೂಡಿ ಬರುತ್ತಿಲ್ಲ. ಕಳೆದ ವರ್ಷವೇ ಜೀಪ್ ಬ್ರಾಂಡ್ ಭಾರತಕ್ಕೆ ಆಗಮನವಾಗಬೇಕಿತ್ತು. ಆದರೆ ಕಾರಣಾಂತರಗಳಿಂದ ಮುಂದೂಡಲ್ಪಟ್ಟಿತ್ತು.

ಕಳೆದ ತಿಂಗಳಷ್ಟೇ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ನಡೆದ 2014 ಆಟೋ ಎಕ್ಸ್ ಪೋದಲ್ಲೂ ಜೀಪ್ ಕೆರೊಕಿ ಮತ್ತು ವ್ರ್ಯಾಂಗ್ಲರ್ ಎಸ್‌ಯುವಿ ಪ್ರದರ್ಶನದಿಂದ ವಂಚಿತವಾಗಿತ್ತು. ಇದು ಅಭಿಮಾನಿಗಳಲ್ಲಿ ತೀರಾ ನಿರಾಸೆಗೆ ಕಾರಣವಾಗಿತ್ತು.

ಸದ್ಯ ವರ್ಷಾಂತ್ಯದ ಹಬ್ಬದ ಆವೃತ್ತಿಯ ವೇಳೆ ಜೀಪ್ ಭಾರತ ಪ್ರವೇಶವನ್ನು ಎದುರು ನೋಡಲಾಗುತ್ತಿದೆ. ಜೀಪ್ ಬ್ರಾಂಡ್ ಭಾರತ ಬಿಡುಗಡೆಗೆ ಸರಿಯಾದ ಸಮಯ ನಿಗದಿ ಮಾಡುವ ಯೋಜನೆಯಿಂದಾಗಿ ಪದೇ ಪದೇ ಲಾಂಚ್ ದಿನಾಂಕ ಮುಂದೂಡಲಾಗುತ್ತಿಯೆಂಬ ಮಾಹಿತಿ ಕೇಳಿ ಬರುತ್ತಿದೆ.