ಚೊಚ್ಚಲ ಎಲೆಕ್ಟ್ರಿಕ್ ರೇಸಿಂಗ್‌ಗೆ ಮಹೀಂದ್ರ ರೆಡಿ

ವಿಶ್ವದ ಮೊದಲ ಎಲೆಕ್ಟ್ರಿಕ್ ರೇಸಿಂಗ್ ಕೂಟ ಇನ್ನೇನು ಆರಂಭಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಚೀನಾದ ಬೀಜಿಂಗ್‌ನಲ್ಲಿ ನಡೆಯಲಿರುವ ಈ ಇ ರೇಸಿಂಗ್ 2014 ಸೆಪ್ಟೆಂಬರ್ 13ರಂದು ಆಯೋಜನೆಯಾಗಲಿದೆ. ಇದರಂತೆ ದೇಶದ ಪ್ರಖ್ಯಾತ ಕಾರು ತಯಾರಕ ಸಂಸ್ಥೆಯಾಗಿರುವ ಮಹೀಂದ್ರದ ರೇಸಿಂಗ್ ವಿಭಾಗವು ಭಾಗವಹಿಸಲಿದೆ.[ಫಾರ್ಮುಲಾ ಇ ಚಾಂಪಿಯನ್‌ಶಿಪ್‌ನಲ್ಲಿ ಸ್ಪರ್ಧಿಸಲಿರುವ ಮಹೀಂದ್ರ - ಮುಂದಕ್ಕೆ ಓದಿ]

ಈ ಮೂಲಕ ಪ್ರಪ್ರಥಮ ಎಫ್‌ಐಎ ಫಾರ್ಮುಲಾ ಇ ಚಾಂಪಿಯನ್‌ಶಿಪ್‌ನಲ್ಲಿ ಭಾಗವಹಿಸುತ್ತಿರುವ ಭಾರತದ ಏಕಮಾತ್ರ ತಂಡವೆಂಬ ಹೆಗ್ಗಳಿಕೆಗೆ ಮಹೀಂದ್ರ ರೇಸಿಂಗ್ ಪಾತ್ರವಾಗಲಿದೆ. ಒಟ್ಟು ಎಂಟು ತಂಡಗಳು ಎಲೆಕ್ಟ್ರಿಕ್ ರೇಸಿಂಗ್‌ನಲ್ಲಿ ಭಾಗವಹಿಸಲಿದೆ.

ಪರಿಸರ ಅವನತಿ ಬಗ್ಗೆ ಜಾಗೃತಿ ಮೂಡಿಸುವ ಮೂಲಕ ಎಲೆಕ್ಟ್ರಿಕ್ ವಾಹನಗಳ ಉದ್ಯಮವನ್ನು ಉತ್ತೇಜಿಸುವುದು ಇದರ ಪ್ರಮುಖ ಉದ್ದೇಶವಾಗಿದೆ. ಈ ನಿಟ್ಟಿನಲ್ಲಿ ರೇಸಿಂಗ್ ಇತಿಹಾಸದಲ್ಲಿ ವಿದ್ಯುತ್ ಚಾಲಿತ ಫಾರ್ಮುಲಾ ರೇಸ್ ಹೊಸ ಅಧ್ಯಾಯ ಬರೆಯಲಿದೆ.