ಮೋದಿ ಸರ್ಕಾರದಿಂದ ಡೀಸೆಲ್ ದರ ಅನಿಯಂತ್ರಣ ವ್ಯವಸ್ಥೆಗೆ ಸೇರ್ಪಡೆ?

ಹೊಸದಾಗಿ ಅಧಿಕಾರ ಸ್ವೀಕರಿಸಿಕೊಂಡಿರುವ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರವು, ಡೀಸೆಲ್ ದರ ಅನಿಯಂತ್ರಣ ವ್ಯವಸ್ಥೆಗೆ ಒಳಪಡಿಸುವ ಕುರಿತಂತೆ ಚಿಂತಾಮಗ್ನವಾಗಿದೆ. ಇದರೊಂದಿಗೆ ಡೀಸೆಲ್ ದರ ಏರಿಕೆಯು ತೈಲ ಸಂಸ್ಥೆಗಳ ವ್ಯಾಪ್ತಿಯಲ್ಲಿ ಒಳಪಡಲಿದೆ.

ಪ್ರಸ್ತುತ ಪ್ರತಿ ತಿಂಗಳಲ್ಲಿ ಡೀಸೆಲ್ ದರದಲ್ಲಿ 50 ಪೈಸೆಗಳ ವರ್ಧನೆ ಕಂಡುಬರುತ್ತಿದೆ. ಇದೀಗ ಬಡಜನರು ಉಪಯೋಗಿಸುತ್ತಿರುವ ಸೀಮೆಎಣ್ಣೆಗೆ ನೀಡುತ್ತಿರುವ ಸಬ್ಸಿಡಿ ಹೊರತುಪಡಿಸಿ ಡೀಸೆಲ್ ಬೆಲೆ ಮುಕ್ತಗೊಳಿಸಲು ಕೇಂದ್ರ ಸರಕಾರ ಆಸಕ್ತಿ ಹೊಂದಿದೆ.

ಸರಕಾರ ಹೊಸ ನೀತಿಯು ಮುಂಬರುವ 2014 ಕೇಂದ್ರ ಬಜೆಟ್‌ನಲ್ಲಿ ವ್ಯಕ್ತವಾಗಲಿದೆ. ಹಣದುಬ್ಬರ ಹಾಗೂ ಅಗತ್ಯ ಸಾಮಾಗ್ರಿಗಳ ಬೆಲೆ ನಿಯಂತ್ರಣದ ನಿಟ್ಟಿನಲ್ಲಿ ಯಾವ ನೀತಿ ಅನುಸರಿಸಲಿದೆ ಎಂಬುದು ಕುತೂಹಲವೆನಿಸಿದೆ.