ಇನ್ನು ಚಾಲನೆ ವೇಳೆ ಮೆಸೇಜ್ ಮಾಡಲು ಸಾಧ್ಯವಿಲ್ಲ

ಚಾಲನೆ ವೇಳೆ ಮೊಬೈಲ್ ಬಳಕೆಯಿಂದ ನಿರಂತರ ಅಪಘಾತಗಳು ಸಂಭವಿಸುತ್ತಲೇ ಇವೆ. ಆದರೆ ಇನ್ನು ಮುಂದೆ ಇಂತಹ ತೊಂದರೆಗಳು ಕಾಡದು. ಯಾಕೆಂದರೆ ಅಮೆರಿಕದ ಬಹು ರಾಷ್ಟ್ರೀಯ ತಂತ್ರಜ್ಞಾನ ಸಂಸ್ಥೆಯಾಗಿರುವ ಆಪಲ್, ತನ್ನ ಡಿವೈಸ್‌ಗಳಲ್ಲಿ ನೂತನ ವ್ಯವಸ್ಥೆಯೊಂದನ್ನು ಅಭಿವೃದ್ಧಿಪಡಿಸಿದ್ದು, ಇದರಂತೆ ಚಾಲನೆ ವೇಳೆ ಮೆಸೇಜ್ ಮಾಡುವುದು ಅಸಾಧ್ಯದ ಮಾತಾಗಿರಲಿದೆ.

'ಲಾಕೌಟ್ ಮೆಕಾನಿಸಂ' ಎಂಬ ವ್ಯವಸ್ಥೆ ಅಭಿವೃದ್ಧಪಡಿಸಿರುವ ಆಪಲ್, ಪ್ರಮುಖವಾಗಿಯೂ ಚಾಲಕರು ಚಾಲನೆ ಮಾಡುವಾಗ ಮೆಸೇಜ್ ಮಾಡುವಂತಹ ಫೀಚರುಗಳನ್ನು ತಡೆ ಹಿಡಿಯಲಿದೆ ಎಂದು ಮೂಲಗಳು ತಿಳಿಸಿವೆ.

ಇದೇ ಸಂದರ್ಭದಲ್ಲಿ ಚಲಿಸುವ ಕಾರಿನಲ್ಲಿ ಚಾಲಕ ಮೊಬೈಲ್ ಬಳಕೆ ಮಾಡುವುದನ್ನು ತಡೆ ಹಿಡಿಯಲಿದೆ ಎಂಬುದಾಗಿ ತಿಳಿಸಿದೆ. ಅಂದ ಹಾಗೆ 2008ರಲ್ಲೇ ಆಪಲ್ ಇಂತಹದೊಂದು ವ್ಯವಸ್ಥೆ ಹೊರತಂದಿದ್ದರೂ ಇತ್ತೀಚೆಗಷ್ಟೇ ಗ್ರೀನ್ ಸಿಗ್ನಲ್ ದೊರಕಿತ್ತು. ಅಧಿಕಾರಿಗಳ ಪ್ರಕಾರ ಇದನ್ನು ಪತ್ತೆ ಹಚ್ಚುವುದು ಕಷ್ಟಕರ ಎಂಬುದಾಗಿ ತಿಳಿಸಿತ್ತು.