ರಷ್ಯಾ ಪ್ರವೇಶಿಸಿದ 2014 ರೆನೊ ಲೋಗನ್

2014 ರೆನೊ ಲೋಗನ್ ಆವೃತ್ತಿಯು ರಷ್ಯಾ ಪ್ರವೇಶಿಸಿದೆ. ಈ ನೂತನ ಕಾರು ಹಿಂದಿನ ಜನಾಂಗದ ಲೋಗನ್ ಆವೃತ್ತಿಯ ಉತ್ತರಾಧಿಕಾರಿ ಗುರುತಿಸಿಕೊಳ್ಳಲಿದೆ.

ನಿರೀಕ್ಷೆಯಂತೆಯೇ ಹಿಂದಿನ ಆವೃತ್ತಿಗಿಂತಲೂ ಹೆಚ್ಚು ಸ್ಟೈಲಿಷ್ ವಿನ್ಯಾಸ ಕಾಪಾಡಿಕೊಳ್ಳಲು ರೆನೊ ಲೋಗನ್ ಯಶಸ್ಸನ್ನು ಕಂಡಿದೆ. ಹಾಗಿದ್ದರೂ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆ ಕಂಡುಬಂದಿಲ್ಲ. ಹಾಗೆಯೇ ಕಾರಿನೊಳಗೂ ಹೆಚ್ಚಿನ ಬದಲಾವಣೆ ಅನುಭವವಾಗುವುದಿಲ್ಲ.

ಇದರಲ್ಲಿ ಮೂರು ಪೆಟ್ರೋಲ್ ಹಾಗೂ ಒಂದು ಡೀಸೆಲ್ ಎಂಜಿನ್ ಆಯ್ಕೆ ಇರಲಿದೆ. ಇವೆಲ್ಲವೂ ಫೈವ್ ಸ್ಪೀಡ್ ಗೇರ್ ಬಾಕ್ಸ್ ಪಡೆದುಕೊಳ್ಳಲಿದೆ. ಸದ್ಯ ಭಾರತದಲ್ಲಿ ಲೋಗನ್ ಮಾರಾಟ ಸ್ಥಗಿತವಾಗಿರುವುದರಿಂದ ಈ ನೂತನ ಮಾದರಿ ನಿರೀಕ್ಷೆ ಮಾಡುವಂತಿಲ್ಲ.