ಜಿನೆವಾದಲ್ಲಿ ಸುಬರು ರೇಸ್ ಕಾರುಗಳ ಕಲರವ

2014 ಜಿನೆವಾ ಮೋಟಾರು ಶೋದಲ್ಲಿ ಡಬ್ಲ್ಯು‌ಆರ್‌ಎಕ್ಸ್ ಎಸ್‌ಟಿಐ ಸ್ಪೋರ್ಟ್ಸ್ ಸೆಡಾನ್ ಮತ್ತು ಡಬ್ಲ್ಯುಆರ್‌ಎಕ್ಸ್ ಎಸ್‌ಟಿಐ ಅನಾವರಣಗೊಳಿಸಿರುವ ಸುಬುರು ಪ್ರತಿಷ್ಠಿತ ಆಟೋ ಶೋಗೆ ಭರ್ಜರಿ ಎಂಟ್ರಿ ಕೊಟ್ಟಿದೆ.

ಸಂಸ್ಥೆಯ ಪ್ರಕಾರ ಇದೀಗ ಪ್ರದರ್ಶನಗೊಂಡಿರುವ ಕಾರುಗಳು ಮೇ 1ರಿಂದ ಬ್ರಿಟನ್ ಮಾರುಕಟ್ಟೆಯನ್ನು ತಲುಪಲಿದೆ. ಈ ಎಲ್ಲ ಬೆಳವಣಿಗೆಗಳನ್ನು ಆಟೋ ಜಗತ್ತು ತುಂಬಾ ಕುತೂಹಲದಿಂದ ಎದುರು ನೋಡುತ್ತಿದೆ.

ನೂತನ ಡಬ್ಲ್ಯುಆರ್‌ಎಕ್ಸ್ ಎಸ್‌ಟಿಐ ಸುಬರು ಕಾರಿನಲ್ಲಿ 2.3 ಲೀಟರ್ ಟರ್ಬೊಚಾರ್ಜ್ಡ್ ಎಂಜಿನ್ ಆಳವಡಿಸಲಾಗಿದೆ. ಇದು 300 ಪಿಎಸ್ ಪವರ್ (407 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಇದು ಸಿಕ್ಸ್ ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಪಡೆಯಲಿದೆ.

ಮತ್ತೊಂದೆಡೆ ಸುಬರು ರೇಸ್ ಕಾರಾಗಿರುವ ಡಬ್ಲ್ಯುಆರ್‌ಎಕ್ಸ್ ಎಸ್‌ಟಿಐ ಪ್ರಸಕ್ತ ಸಾಲಿನಲ್ಲೇ ನಡೆಯಲಿರುವ 24 ಹವರ್ಸ್ ರೇಸ್‌ ಸ್ಪರ್ಧೆಯಲ್ಲೂ ಭಾಗವಹಿಸಲಿದೆ.