ಸುಜುಕಿ ಸಣ್ಣ ಎಸ್‌ಯುವಿ ಅನಾವರಣ; ಭಾರತಕ್ಕೆ ಬರುತ್ತಾ?

ಮಾರುತಿ ಸುಜುಕಿ ಅಂಗಸಂಸ್ಥೆಯಾಗಿರುವ ಜಪಾನ್ ಮೂಲದ ಸುಜುಕಿ ವಾಹನ ತಯಾರಕ ಸಂಸ್ಥೆಯು ಎಲ್ಲ ಹೊಸತನಗಳಿಂದ ಕೂಡಿರುವ ವಿಟಾರಾ ಕಾಂಪಾಕ್ಟ್ ಎಸ್‌ಯುವಿ ಕಾರನ್ನು ಅನಾವರಣಗೊಳಿಸಿದೆ. ಈ ಸಣ್ಣ ಎಸ್‌ಯುವಿ ಯಾವಾಗ ಭಾರತ ಪ್ರವೇಶಿಸಲಿದೆ ಎಂಬುದು ಕುತೂಹಲ ಮೂಡಿಸಿದೆ.

2014 ಪ್ಯಾರಿಸ್ ಮೋಟಾರು ಶೋಗಿಂತಲೂ ಮುಂಚಿತವಾಗಿ ಇದನ್ನು ಅನಾವರಣಗೊಳಿಸಿರುವುದು ಗಮನಾರ್ಹವೆನಿಸಿದೆ. ಇದು iv-4 ತಲಹದಿಯಲ್ಲಿ ನಿರ್ಮಿಸಲಾಗಿದೆ.

ಮುಂಭಾಗದಲ್ಲಿ ದೊಡ್ಡ ಗ್ರಿಲ್ ಪಡೆದುಕೊಳ್ಳಲಿದ್ದು, ಡಬಲ್ ಬ್ಯಾರೆಲ್ ಹೆಡ್ ಲ್ಯಾಂಪ್ ಇರಲಿದೆ. ಇದರೊಂದಿಗೆ ಡೇಟೈಮ್ ರನ್ನಿಂಗ್ ಲೈಟ್ಸ್ ಮತ್ತು ಫಾಗ್ ಲ್ಯಾಂಪ್‌ಗಳು ಇನ್ನಷ್ಟು ಆಕರ್ಷವೆನಿಸುತ್ತಿದೆ.

ಅದೇ ರೀತಿ ಹೊಸ ವಿಟಾರಾದಲ್ಲಿ ಆಲ್ ಗ್ರಿಲ್ ಇಂಟೆಲಿಜೆಂಟ್ ಐಚ್ಛಿ ಆಲ್ ವೀಲ್ ಡ್ರೈವ್ ಆಯ್ಕೆಯಿರಲಿದೆ. ಇದು ಪೆಟ್ರೋಲ್ ಹಾಗೂ ಡೀಸೆಲ್ ವೆರಿಯಂಟ್‌ಗಳಲ್ಲಿ ಲಭ್ಯವಾಗಲಿದೆ. ಅಂತೆಯೇ ಯುರೋಪ್ ಮಾರುಕಟ್ಟೆಯಲ್ಲಿ ಹೋಂಡ್ ವೆಜೆಲ್, ನಿಸ್ಸಾನ್ ಕ್ವಾಶ್‌ಕೈ ಮತ್ತು ಡೇಸಿಯಾ ಡಸ್ಟರ್ ಮಾದರಿಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ. ಒಟ್ಟಿನಲ್ಲಿ ಭಾರತ ಪ್ರವೇಶ ಸಂಬಂಧಿಸಿದಂತೆ ಇನ್ನಷ್ಟೇ ಸ್ಪಷ್ಟನೆ ಬರಬೇಕಾಗಿದೆ.