Suzuki: ಹೊಸ ನವೀಕೃತ ಸುಜುಕಿ ಆಕ್ಸೆಸ್ ಬಿಡುಗಡೆ: ವಿಶೇಷತೆಗಳೇನು, ಹೊಸ ಅಪ್‌ಡೇಟ್ಸ್ ಏನಿವೆ?

ದೇಶದ ಅತಿದೊಡ್ಡ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿರುವ 'ಸುಜುಕಿ ಮೋಟಾರ್‌ಸೈಕಲ್ ಇಂಡಿಯಾ' (Suzuki Motorcycle India), ಇಂದು ಸಿಂಗಲ್ ಚಾನೆಲ್ ಆಂಟಿ-ಲಾಕ್ ಬ್ರೇಕಿಂಗ್ ಸಿಸ್ಟಮ್ (ABS) ಹೊಂದಿರುವ ಸುಜುಕಿ ಆಕ್ಸೆಸ್ (Suzuki Access) ಸ್ಕೂಟರ್ ಅನ್ನು ಬಿಡುಗಡೆ ಮಾಡಿದೆ. ABS ಹೊಂದಿರುವ ಸುಜುಕಿ ಆಕ್ಸೆಸ್ ಪರಿಚಯಿಸುವ ಮೂಲಕ ಸುರಕ್ಷತೆಯನ್ನು ಮತ್ತಷ್ಟು ಬಲಪಡಿಸಲಾಗಿದೆ. ಗ್ರಾಹಕರು ತಮ್ಮ ಸವಾರಿ ಆದ್ಯತೆಗಳೊಂದಿಗೆ ಉತ್ತಮವಾಗಿ ಹೊಂದಿಕೊಳ್ಳುವ ವೇರಿಯೆಂಟ್‌ನ್ನು ಆಯ್ಕೆ ಮಾಡಿಕೊಳ್ಳಲು ಅನುವು ಮಾಡಿಕೊಡುತ್ತಿದ್ದೇವೆ ಎಂದು ಸುಜುಕಿ ಹೇಳಿದೆ.

ABS ವೇರಿಯೆಂಟ್ ಬೆಲೆ ಮತ್ತು ಪ್ರಯೋಜನಗಳು

ABS ಎಂಬುದು ರೈಡರ್ - ಅಸಿಸ್ಟ್ ವೈಶಿಷ್ಟ್ಯವಾಗಿದ್ದು, ಇದು ಚಕ್ರ ಲಾಕ್ ಆಗುವುದನ್ನು ತಪ್ಪಿಸಲು ಸಹಾಯ ಮಾಡಲು ಬ್ರೇಕ್ ಒತ್ತಡವನ್ನು ನಿಯಂತ್ರಿಸುತ್ತದೆ. ಅದೇ ಸಮಯದಲ್ಲಿ ಸವಾರರು ನಂಬುವ ಅದೇ ಪಿಕ್-ಅಪ್, ಮೈಲೇಜ್, ಸೌಕರ್ಯ ಮತ್ತು ವಿಶ್ವಾಸಾರ್ಹತೆಯನ್ನು ನೀಡುತ್ತದೆ. ABS ಹೊಂದಿರುವ ಸುಜುಕಿ ಆಕ್ಸೆಸ್ ಈಗ ಭಾರತದ ಎಲ್ಲಾ ಸುಜುಕಿ ಡೀಲರ್‌ಶಿಪ್‌ಗಳಲ್ಲಿ ಖರೀದಿಗೆ ಲಭ್ಯವಿದೆ.

ಆಕ್ಸೆಸ್ ರೈಡ್ ಕನೆಕ್ಟ್ ಎಬಿಎಸ್ ಎಡಿಷನ್: ಇದು ರೂ. 92,328 (ಎಕ್ಸ್‌ ಶೋರೂಂ) ಬೆಲೆಯಲ್ಲಿ ಖರೀದಿಗೆ ಲಭ್ಯವಿದೆ. ಮೆಟಾಲಿಕ್ ಮ್ಯಾಟ್ ಬ್ಲ್ಯಾಕ್ ನಂ.2, ಮೆಟಾಲಿಕ್ ಮ್ಯಾಟ್ ಸ್ಟೆಲ್ಲರ್ ಬ್ಲೂ, ಪರ್ಲ್ ಗ್ರೇಸ್ ವೈಟ್, ಸಾಲಿಡ್ ಐಸ್ ಗ್ರೀನ್ ಮತ್ತು ಪರ್ಲ್ ಶೈನಿ ಬೀಜ್ ಎಂಬ ಐದು ಬಣ್ಣಗಳ ಆಯ್ಕೆಗಳಲ್ಲಿ ಖರೀದಿಗೆ ಸಿಗಲಿದೆ.

ಆಕ್ಸೆಸ್ ರೈಡ್ ಕನೆಕ್ಟ್ ಟಿಎಫ್‌ಟಿ ಎಬಿಎಸ್ ಎಡಿಷನ್: ಇದು ರೂ. 98,378 (ಎಕ್ಸ್‌ ಶೋರೂಂ) ಬೆಲೆಯಲ್ಲಿ ಖರೀದಿಗೆ ಲಭ್ಯವಿದೆ. ಮೆಟಾಲಿಕ್ ಮ್ಯಾಟ್ ಬ್ಲ್ಯಾಕ್ ನಂ.2, ಮೆಟಾಲಿಕ್ ಮ್ಯಾಟ್ ಸ್ಟೆಲ್ಲರ್ ಬ್ಲೂ, ಪರ್ಲ್ ಗ್ರೇಸ್ ವೈಟ್, ಸಾಲಿಡ್ ಐಸ್ ಗ್ರೀನ್ ಮತ್ತು ಪರ್ಲ್ ಮ್ಯಾಟ್ ಅಕ್ವಾ ಸಿಲ್ವರ್ ಎಂಬ ಐದು ಬಣ್ಣಗಳ ಆಯ್ಕೆಗಳಲ್ಲಿ ಖರೀದಿಗೆ ಲಭ್ಯವಿದೆ.

ಹೊಸ ಆಕ್ಸಿಸ್ ಖರೀದಿಸುವವರಿಗೆ ಮಾಲೀಕತ್ವದ ಅನುಭವಕ್ಕೆ ಹೆಚ್ಚಿನ ಮೌಲ್ಯವನ್ನು ಸೇರಿಸುತ್ತಾ, ಎಬಿಎಸ್‌ನೊಂದಿಗೆ ಸುಜುಕಿ ಆಕ್ಸೆಸ್ 6.99% ರಿಂದ ಪ್ರಾರಂಭವಾಗುವ ಕಡಿಮೆ ಬಡ್ಡಿದರ ಮತ್ತು ಶೂನ್ಯ ಸಂಸ್ಕರಣಾ ಶುಲ್ಕದಲ್ಲಿ (zero processing fees) ಖರೀದಿಗೆ ಲಭ್ಯವಿದೆ. ಇದರ ಜೊತೆಗೆ, ಪ್ರತಿ ರಾಜ್ಯದಿಂದ 10 ಅದೃಷ್ಟಶಾಲಿ ವಿಜೇತರು ರೂ. 5,000 ಮೌಲ್ಯದ ವೋಚರ್‌ಗಳನ್ನು ಗೆಲ್ಲುವ ಅವಕಾಶ ನೀಡಲಾಗುತ್ತಿದೆ ಎಂದು ಸುಜುಕಿ ತಿಳಿಸಿದೆ.

ವಿನ್ಯಾಸದಲ್ಲಿ ಯಾವುದೇ ಬದಲಾವಣೆ ಇಲ್ಲದೇ ಅದೇ LED ಹೆಡ್‌ಲ್ಯಾಂಪ್‌ಗಳು, SMS ನೋಟಿಫಿಕೇಷನ್‌ಗಳು, ಟರ್ನ್- ಬೈ -ಟರ್ನ್ ನ್ಯಾವಿಗೇಷನ್, ಬಾಹ್ಯ ಇಂಧನ ತುಂಬುವಿಕೆ, USB ಚಾರ್ಜಿಂಗ್, ಕರೆ ಎಚ್ಚರಿಕೆಗಳು ಹೊಂದಿದೆ. ಬ್ಲೂಟೂತ್ ಹೊಂದಿರುವ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್‌ನೊಂದಿಗೆ ಬರುತ್ತದೆ, ಒಟ್ಟಾರೆ ವಿನ್ಯಾಸವು ಬಳಕೆಯ ಸುಲಭತೆ ಮತ್ತು ಪ್ರಾಯೋಗಿಕ ಫೀಚರ್‌ಗಳ ಮೇಲೆ ಕೇಂದ್ರೀಕರಿಸುತ್ತದೆ.

ಯಾಂತ್ರಿಕವಾಗಿ ಆಕ್ಸೆಸ್ 125 ABS ಬದಲಾಗದೆ ಉಳಿದಿದೆ. ಅದೇ 124cc, ಸಿಂಗಲ್ - ಸಿಲಿಂಡರ್, ಏರ್ - ಕೂಲ್ಡ್ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ. ಇದು 8.7 hp ಪವರ್ ಮತ್ತು 10 Nm ಟಾರ್ಕ್ ಅನ್ನು ನೀಡುತ್ತದೆ, ಸುಗಮ ಥ್ರೊಟಲ್ ಪ್ರತಿಕ್ರಿಯೆ ಮತ್ತು ಸ್ಥಿರವಾದ ಪರ್ಫಾಮೆನ್ಸ್ ನೀಡುತ್ತದೆ. ಇದು ನಗರ ಸಂಚಾರ ಮತ್ತು ಸಣ್ಣ ಹೆದ್ದಾರಿ ಓಟಗಳಿಗೆ ಸೂಕ್ತವಾಗಿದೆ. ಸುಜುಕಿ ಆಕ್ಸೆಸ್ ಸ್ಕೂಟರ್ ಸುಮಾರು 45 ಕಿ.ಮೀ ಮೈಲೇಜ್ ನೀಡುತ್ತದೆ.

ದೈನಂದಿನ ಬಳಕೆಗೆ ಉತ್ತಮ ಮೈಲೇಜ್ ಮತ್ತು ನವೀಕರಿಸಿದ ಫೀಚರ್‌ಗಳೊಂದಿಗೆ ಭಾರತದಲ್ಲಿ ಅತ್ಯಂತ ಜನಪ್ರಿಯ 125cc ಸ್ಕೂಟರ್‌ಗಳನ್ನು ಹುಡುಕುವ ಖರೀದಿದಾರರಿಗೆ ಸುಜುಕಿ ಆಕ್ಸೆಸ್ 125 ಬೆಸ್ಟ್ ಆಯ್ಕೆಯಾಗಿದೆ. ಇದರ ಸ್ಥಿರ ಕಾರ್ಯಕ್ಷಮತೆ ಮತ್ತು ಸಂಸ್ಕರಿಸಿದ ಎಂಜಿನ್ ಪ್ರತಿಕ್ರಿಯೆಗೆ ಖ್ಯಾತಿಯನ್ನು ಗಳಿಸಿದೆ. ಈ ಸ್ಕೂಟರ್ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಕಮೆಂಟ್‌ನಲ್ಲಿ ತಿಳಿಸಿ.