ನ್ಯಾನೋ ಆಟೋಮ್ಯಾಟಿಕ್ ಕಾರು ಬರುತ್ತಾ?

ವಿಶ್ವದ ಅತಿ ಅಗ್ಗದ ನ್ಯಾನೋ ಕಾರಿನ ಪವರ್ ಸ್ಟೀರಿಂಗ್ ಟ್ವಿಸ್ಟ್ ವರ್ಷನ್ ಲಾಂಚ್ ಮಾಡಿರುವ ದೇಶದ ಅತಿದೊಡ್ಡ ವಾಹನ ತಯಾರಕ ಸಂಸ್ಥೆಯಾಗಿರುವ ಟಾಟಾ ಮೋಟಾರ್ಸ್, ಇದೀಗ ಆಟೋಮ್ಯಾಟಿಕ್ ವರ್ಷನ್ ಲಾಂಚ್ ಮಾಡುವ ಇರಾದೆ ವ್ಯಕ್ತಪಡಿಸಿದೆ.

ಸಿಟಿ ಕಾರ್ ಎಂಬ ನಿಟ್ಟಿನಲ್ಲಿ ನ್ಯಾನೋ ಮೇಲೆ ಗಮನ ಕೇಂದ್ರಿಸಿಕರಿಸಿರುವ ಸಂಸ್ಥೆಯು, ಮಾರುಕಟ್ಟೆಯನ್ನು ಇನ್ನಷ್ಟು ಬಲಪಡಿಸುವ ಹುನ್ನಾರದಲ್ಲಿದೆ. ಇದಕ್ಕಾಗಿ ಅತ್ಯಾಧುನಿಕ ತಂತ್ರಜ್ಞಾನಗಳ ಮೊರೆ ಹೋಗುತ್ತಿದೆ.

ಈಗಾಗಲೇ ಬಿಡುಗಡೆಗೊಂಡಿರುವ ನ್ಯಾನೋ ಟ್ವಿಸ್ಟ್ ಪವರ್ ಸ್ಟೀರಿಂಗ್ ಕಾರು ಗಮನ ಸಳೆಯುವಲ್ಲಿ ಯಶಸ್ವಿಯಾಗಿದೆ. ಹಾಗಿರುವ ಆಟೋಮ್ಯಾಟಿಕ್ ವರ್ಷನ್ ದೇಶದಲ್ಲಿ ನ್ಯಾನೋ ಸಾನಿಧ್ಯವನ್ನು ಇಮ್ಮಡಿಗೊಳಿಸಲಿದೆ. ಇನ್ನುಳಿದಂತೆ ಡೀಸೆಲ್ ವರ್ಷನ್ ನ್ಯಾನೋ ಈಗಾಗಲೇ ಸಜ್ಜುಗೊಂಡಿದ್ದು ನಿಕಟ ಭವಿಷ್ಯದಲ್ಲೇ ಮಾರುಕಟ್ಟೆಗೆ ಎಂಟ್ರಿ ಕೊಡಲಿದೆ.