ಸಿಯಾಝ್ ಗೆ ನ್ಯಾನೋ ಹಿಂದಿನಿಂದ ಢಿಕ್ಕಿ; ಯಾವುದು ಬಲಿಷ್ಠ?

ಗೋವಾದಲ್ಲಿ ನಡೆದ ಅಪಘಾತ ಪ್ರಕರಣವು ಎಲ್ಲರಲ್ಲೂ ಒಂದೆರಡು ಬಾರಿ ಯೋಚಿಸುವಂತೆ ಮಾಡಿದೆ. ಇಲ್ಲಿ ಕಾರಿನ ನಿರ್ಮಾಣ ಗುಣಮಟ್ಟಕ್ಕೆ ಸಂಬಂಧಿಸಿದಂತೆ ನೈಜ ಬಣ್ಣ ಬಯಲಾಗಿದೆ.

ಟಾಟಾ ನ್ಯಾನೋ ಬೆಲೆಗಿಂತಲೂ ನಾಲ್ಕು ಪಟ್ಟು ಹೆಚ್ಚಾಗಿರುವ ಮಾರುತಿ ಸುಜುಕಿ ಸಿಯಾಝ್ ಕಾರಿನ ಹಿಂಬದಿ ಸಂಪೂರ್ಣವಾಗಿ ನಜ್ಜುಗುಜ್ಜಾಗಿದೆ.

ಇನ್ನೊಂದೆಡೆ ಅಂದಾಜು ಎರಡು ಲಕ್ಷ ರುಪಾಯಿಗಳ ಬೆಲೆ ಪರಿಧಿಯಲ್ಲಿ ಮಾರುಕಟ್ಟೆಗೆ ತಲುಪುತ್ತಿರುವ ಟಾಟಾ ನ್ಯಾನೋ ಮುಂಭಾಗದಲ್ಲಿ ಹೆಚ್ಚು ಹಾನಿಯಾಗಿಲ್ಲ.

ಮಾರುತಿ ಸುಜುಕಿ ಚಾಲಕ ಸಡನ್ ಬ್ರೇಕ್ ಅದುಮಿರುವುದೇ ಅಪಘಾತಕ್ಕೆ ಕಾರಣ ಎನ್ನಲಾಗಿದೆ. ಇದರಿಂದಾಗಿ ನಿಯಂತ್ರಣ ಕಳೆದುಕೊಂಡ ನ್ಯಾನೋ ಚಾಲಕ ಹಿಂಬದಿಯಿಂದ ಢಿಕ್ಕಿ ಹೊಡೆದಿದ್ದಾರೆ.

ಅದೃಷ್ಟವಶಾತ್ ಘಟನೆಯಲ್ಲಿ ಯಾರಿಗೂ ಗಾಯಗಳಾಗಿಲ್ಲ. ಆದರೆ ನ್ಯಾನೋಗಿಂತಲೂ ಸಿಯಾಝ್ ಕಾರಿಗೆ ಹೆಚ್ಚಿನ ಹಾನಿಯಾಗಿರುವುದು ವಾಹನ ವಲಯದಲ್ಲಿ ಹೆಚ್ಚಿನ ಚರ್ಚೆಗೀಡು ಮಾಡಿದೆ.